Wÿ Jaspar Schutte Tile hoppemode Claus Falkenberg vnde Peter wischer an eyner side vnd(e) wi Andreus / Palmdach hermen domes wilke mutzelitz (?) vnde hans monnick (?) an der ander(e)n side Bekenne(n) med dessen open / brieffe vor allen luden dy dessen brieff syn hor(e)n odder lesen , dat wi gededinghet hebben Tuschen den Ersamen / Ratheren uth Beiden Steden Brandemborg vnde Hinrick (?) hopemoden Na orer allen willen vnde vulbored v(m)me / Vischerie dy die van poͤsin vnd(e) Czudam (?) gevfet (?) hebben uppe der oldenstedeschen water vnschedeliken orer forsten / briefe an Beiden siden Jn sodaner wise alse hir na geschreue(n) steid . Dat dẏ van poͤsin vnde Czudam scholen / vͤfen (?) sodane vischerie alse sie van older gevfet hebben uppe dy vorbenu(m)pde water vthgnome(n) floken vnde / biestellen bÿ dat grote garne dat scholen dÿ vorbenu(m)pden van poͤszin¹ vnde Czudam affe don vnde nicht meer / vfen (?) to Ewighen tiden uppe dÿ vorbenu(m)pde water , Dar vor scholen dÿ Ersame(n) Ratheren der oldenstad / Brandemborg dÿ nu syn vnde noch tokomen werden hinrick hoppemoden odder wi poͤsin hebben werden (?) / in tokomenden tiden [ ... ] oren Rathuse alle Jar geuen twe punt pe(n)ni(n)ghe also to Brandemborgh genghe / vnde geue synt uppe sunte Mertens dach to Ewighen tiden sunder weddersprake vnd(e) hulperede / Vortmer eyn weter genant dat glyneke (?) dat schal to deme dorppe to posin ewich bliuen ane hinder / vnde weddersprake des Rades uth der olden Stad Brandemborg vnd(e) dar upp mach dy genne (?) dy dat / Glyneken nu hefft vnd(e) in tokome(n) tiden hebben werdet allerleẏe vischerie vͤfen (?) vnde gebruken wannerhr (?) / em des gelustet ane hinder vnde inffal Vortmer gescheget ok dat den Rather(e)n der oldenstad Bran/demborg odder den oren behuff vnd(e) noͤd were to faren dorch den strenck (?) to poͤsin dat moghen sy don vnde / wes sie denne van horden vnde pelen lathen upp thyn dÿ scholen sie wedder steken vnde maken ane der van / poͤsin schade Geschege dar bouen e(n)nighen schaden dat schal men den Reden Beyden steden Brandemborg / witliken don die scholen dat besÿen vnde der kennen den schaden to vorbuͤthen nach Redelicheid vnde die / van poͤsin scholen dẏ were nicht vorder buwen wan dẏe van older syn geweset , Vortmehr v(m)me eyn punt / pe(n)ni(n)ghe dat to deme Altare in des hilighen gestes Cappelle tuschen Beiden steden horet dar denne etlike / twidracht v(m)me geweset is dat vorbenu(m)pde punt pe(n)ni(n)ghe scholen die Ratheren der olden Stad Brandemborg / die nu syn vnde noch tokomende sÿn alle iar reiken vnde geuen uppe Sunte mertens dach den Altar(i)sten (?) der / vorbenu(m)pden Cappellen dÿ nu is vnd(e) in tokomenden tiden syn werdet to Ewighen tiden sunder weddersprake / vnde hulperede Alle desse vorgescreue(n) dinck stucke vnd(e) artikel vnd(e) eyn Jowelk besunder(e)n (?) louen wi Borgermeister(e) / vnde Ratma(n)ne Beyder Stede Brandemborg vnser eyn den ander(e)n to eweghen tiden Stede vnd(e) faste to holden / ane arch infal vnde hulperede Des to tughe vnd(e) orkunde hebben wi vorgenante Borg(er)meister(e) vnde Ratma(n)ne / vnser twier stede grote Jngesegelle med wirtschapp vnd(e) guden willen lathen hanghen an dessen open brieff / Dy gegeue(n) is na godes gebord virteÿnhundert Jar dar na inden vir vnde virtigesten Jare an Sunte Margareten / der hilighen Ju(n)cfrouwn dage /