Wie Meistere olderlude vnde alle brudere gemeÿne des werckes vnde gulde der Schumaker(er)n ¹ vnd(e)¹ gerwer(e)¹ in der nien / Stad Brandemborch Bekenne(n) openbar vor vnns vnnse nakome(n) vnde susz vor allen frome(n) luden die dessen / vnnsen open brief sihen hor(e)n odder leszen dat wie med guder eyndracht vnde wolbedachten mude vns / med den Ersame(n) vnde wolwiesen vnnsen her(en)n Borgermeister(e)n vnde Ratmann(e) vordragen hebben v(m)me / eÿne Lohemolune to buwende in sodan(er) wiesze alse hir na geschreue(n) steid Thum irsten male schelen dy / gna(n)ten vnnse her(e)n vns Schumaker(e)n vnde gerwer(e)n eyne Lohemolne gentzliken buwen med aller tobe-/horinge nichtes vthgnome(n) vnde wa(n)neher die also gebuwett is so scholen sie die in wer(e)n holden med allem(e) / gebuwe alleyne uthgnome(n) die viselle vnde pannen die scholen wi in gewer(e)n holden to ewigen tiden / Dar vor wie den gnante(n) vnnsen her(re)n dem(e) Rade scholen alle iar to dancke ane vortogeringe geue(n) Sees / pund guder gewonliken pe(n)ni(n)ghe vp Sunte wolborgen dage ane geuerde vnde weret dat wie uth / der olden Stad edder wie anders van buthen tho syn Lohe in der Lohemolne wolde to gude maken / wa(n)neher wie vorgna(n)ten Schumaker(er) vnde gerwer(e) nicht to arbeidende hadden , des scholen wie em / nicht weiger(er)n , vnde wes alse van buthen to vordynett werdett dar van schal vnnse stad odder die / rad die helfft afe hebben vnde wie Schumaker(er) vnde gerwer(er) die andere helfft werett ock dat / die rad in tokomenden tiden wes meher in der Lohemolne(n) in der Stad genud vnde frome(n) worden / buwen dat vnns nicht groten schaden dede des scholen(n) sie fulmechtich wesen ane vnse vnde / vnde allerleye insage Des to merer bekantnissze hebbe(n) wie vorgeschreue(n) meister(e) olderlude / vnde alle bruder(er) gemeÿne eyndrechtliken vnnses wergkes Jngesegel med gantzer witschapp / vnde guden willen lathen hangen an dessen vnsen openbriff Na Cristi vnses her(e)n gebord / virteÿnhu[ndert iar] dar na indem(e) dryvndeveftigesten Jare(n) am dage [S(a)nctor(um)] philippi et Jacobi / Apostolorum /