Wie Diderick van rochow tur goltzow vnde Borgermeister(e) vnde Ratmanne old vnde nie der nien stad / Brandeborch Bekennen openbar betugende vor vns vnnse eruen vnde nakomen vnde susz ¹ vor allen fromen luden / die dessen vnnsen openbriff sehen hor(e)n odder leszen Dat wie med guden rade vnde wolbedachten mude vns eyn/drechtliken vordragen vnde fruntliken² vorgeenyget² hebben ² v(m)me ² dat ² land ² to ² rikane ² dat ² dat ² sulue ² land ² to ² / ewigen² tiden² schal² bliuen² der² nien² Stad² Brandeborch² vnde vorder dar to vns an beiden siden vorplichtiget vnde / vorbunden hebben vnnser eyn dem(e) ander(e)n to helpende vnde to radende med liue vnde gude tiegen aller me(n)nichlick / war om des nod vnde behuff werdet sin vnde siner to glike vnde rechte mechtich is vnde so verne dat id tiegen / vnnsen gnedigen her(e)n nicht is Ock willen wie Borgermeister(e) vnde Ratmann(e) der vpp gnanten nien Stad / Brandeborch Dat alle die van rochow die nw sin odder noch to komende werden vpp vnnser Stad radhusz mogen / gan vnde to vns in deme rade komen wa(n)neher sie gewerff vor vns hebben ane vor eischend gelike ander(e)n vnnse(n) / medebeswor(e)n des rades ane geuerde Alle desse vorgeschreue(n) artikelle vnde stucken vnde eyn jowelk Besunder(e)n / louen wie vorgnanten Diderick van Rochow vnde Borgermeister(e) vnde Ratmanne der vppgnante(n) nien Stad / Brandeborch vor vns vnnse eruen vnde nakomen vnnser eyn dem(e) ander(e)n in guden truwen vnuorbroken to / ewigen tiden wol to holden ane allen infal hulperede vnde geuerde Des to merer vnde warer bekantnisse / hebbe wie vnnse Jngesegel lathen witliken hangen an twen briefen eyner materien der eyn jowelk eyn hett / Na cristi vnnses her(e)n gebord virteinhundert iar dar na indeme viff vnde vofftigesten jare am dage Sancte / Katherine der hiligen Jungfrowen /