Anno (et cetera) xcjº am donr(es)dage nha quasimodo genitj p(er) actu(m) est plebiscit(um) / Clawes hellenbrecht heth vj szoc up syn / erfe In die wulle(n)wefer strate vom hillige(n) / geiste vnd(e) geft dar von j pu(n)t d(inarii) up / martini alle Iar(e) to renten / hennick(e) epman heth Katherine(n) siner / eligen frowe(n) de(n) virde(n) pen(n)inck gemaket / vnnd(e) sy ohm weddervm(m)e / hans Iutten hedt xij szoc up sihn erfe / von de(n) gadeshuszlude(n) to Sunte Kathe=/rinen dar von geft hie j szoc to rente(n) / up paschen / ¹ Clawes molner hedt xij szoc up sihn / erfe von de(m) Rade vnd(e) geft dar von / alle Iar(e) j szoc to rente(n) up pasch(e)n /¹ Valentin writzel heth marga(r)ete(n) siner / eliken husfrowe(n) gemaket de(n) virden / pen(n)ingk vnd(e) sy ohm weddervm(m)e / Albrecht Ztabel heth iiij szoc up sihn husz genhome(n) to rente(n) von Andrewese Clawes / frisacks nagelat(e)n kinde , vnd(e) sal ehm / alle Iar dar vor xx g(roschen) geue(n) to rente(n) / up paschen / Dann(is) Kruͦger vnd(e) Kersten Kruͦger hebben same(n)der / hant vj szock von den elenden up orhe erue(n) / vnd(e) alle orhe redeste guͦder , vnd(e) gehoren to der / irsten portion(e) des altaris Trinitat(is) dar schole(n) / szy den selftigen altaristen des altar(is) alle Iar / up oͤstern von geuen j szock g(ulden) to rente(n) tom rechten wedderkope , , Jn die vischerstrateͦ , , / tusch(e)n den mollenda(r)e vnd(e) waterdhar(en) gelegen /