Anno domi(ni) (et cetera)xciiij f(er)ia p(ost) / q(ua)si mo(do) genitj p(er)act(um) est plebiscitu(m) / 1 Hans massow heth xij szoc von den / Smeden to eine(n) recht(e)n wedd(er)kope dar von / geft hie alle Iar(e) den alta(r)isten von der / smede altar(e) up osteren j szo[k] g(ulden) vnnd(e) / schal die Im Iare wedder af geue(n) / 1 Jacob laurentz heth x szoc vnnd(e) vj ellen / leydesch gewanth up sihn erue gelegen / by Jange storbek(e)n von Iurge(n) laurentz / syne(n) szone vor sihn muderlige erue / 1 Bartolome(us) ebel heth xij szoc g(ulden) up eine(n) / recht(e)n wedd(er)kop von den elenden [dar] / up sihn huͤsz by hans kerste(n) gelegen / dar von geft hie alle Iar(e) den vorstendern / der elenden guld(en) j szoc g(ulden) to rent(e)n up / Michaelis / 1 hans krosche heth gores wegener vor richt(er) / vnd(e) schepen losz geseth sodane xxviij szoc / alse hans krosche vor gores wegener(e) / gelauet hadde vnd(e) sindt gantz vnd(e) wol vornaget // Vor richt(er) vnd(e) Schepen Is erschenen Go-/res mylow vnd(e) heth late(n) up biden sihn / erue em von syner moder an gestorue(n) / vnd(e) ehm is vor recht gedeylet so dar / ennich schade vth entstunde , scholde / gores mylow nicht to schade(n) gedhyen / von rechtes weg(e)n nha de(m) dat dar ny-/mandes were die dar vor(e) antw(er)den / wolde / 1 Clawes vischer heth ij szoc up syhn huͤsz / von Sunte Iacobs vorstendern up eine(n) / wedd(er)koͦp dar von schal hie geue(n) den / vorstendern alle Iar(e) up paschen viij g(ulden) / 1 Tile Ingel hedt iiij szoc von andr(ewes) kres/chen up sihn husz In iiij Iaren to be/talende vnd(e) so hie ehm die von Iare / to Iare nicht betalede up die leste dagetidt / schal hie ehm die iiij szoc vorder vor-/rent(e)n vp eine(n) wedd(er)kop vnd(e) schal ehm / dar von up michalis alle Iar(e) geue(n) / xx g(ulden) / 1 vor richter vnd(e) Schepen Is gekame(n) do-/mes kruger vnd(e) hedt bekant dat hie [he...] / dat husz up heth dar allenkercke Inge-/wonet hedt dar die elende(n) iij szoc / up hebb(e)n vnd(e) sodane iij szoc mit / sampt der rente wil hie den elend(e)n / vorsorgen / 1 Michil wyscke heth iij szoc up sihn huͤsz / gelege(n) hinder hans witte(n)berge vom / Rade dar schal [s...] hie dem Rade alle Iar(e) / von geue(n) up lichtmissen xv g(ulden) up / eine(n) recht(e)n wedd(er)koͤp to renten /
| 1 | Absatz |