Fandatio der Capellen Sancte / Marie Magdalene - vide imfra tv[...] / vere fuͮndatiō approbatv /

Wÿ Carth von Rauͮdow , Lauͮrents von krassow , Tilo von Geilenn / Wÿlbort , heino rhare , Mechil gerwehr , Tilo ouͮen , Cloue Molüer / Rathmanüe tho Borch Bekennen openbar , an desme jeginnwertigenn / briue , Dat wÿ met vuͮlbort vnd wÿllen vnser borger gefrihet hebben / vnd frighen In disme Jeginwertigen briuͮe , ein huͮss vnd die Stede / die dar thobescheiden is , dat dar gebowet is , In vnser Stadt an deme / horne de pelligestrate , bÿ deme wege die dar gehet tho deme Zcerwis=/tern dorhe , dat eth moge werden eiüe Capelle , gode tho lauͮe vnd sÿnen / hilligen , vnd ock allen selen tho trosthe , Ock Bekenne wÿ des In / desime suͮluͮen briuͮe , dat tho desme sulaen huͮsze , Also vort alse et ene / Capelle werdet Sint gelehrt Almoͤsen , die hier na beschreaen sint , / tho deme ersten male , ein huͮss vnd eruͦe ahn deme sulaen Zcerwistern dorhe / bÿ der muͮren von ses marken , Vnd twe houͮen eruͮes vp deme felde / tho Zcÿbbeckeleuͮe , vnd ses morgen landes an den Negen tÿnnen , die / dar hethen die Berngarde , vnd vier morgen landes , dÿ dar liggen bÿ / den Sÿrken , Vnd ock Bekenne(n) wÿ vorbat inher , Dat dut vor=/benoͤmpte guͮth , vpgegeaen iß vor Richter vnd vor Scheppen tho / dessuͮlaen vorbenompten huͮßes behuͮff meth diessem vnderscheide / Alse hÿr na stehet , werdet duͮth digkke vorbenomede huͮss , eÿne / Capelle ader ein gades huͮß , vor der negisten tidt , die nhuͮ thorka=/mende is tho Richtmessen , So scholen die Almōsen vnd dat guͤth / dar tho blÿuͮen , Worde It auͮer nene Capelle , In der vorbenom/den tidt , So scholen dÿ luͮde , dÿ dat guͮt , dar tho gelecht hebbenn / vnd dÿ Almosen , duͮn mit deme guͮde , wath sie wÿllen , Ock schal / vnse Stadt vnd vnsere borgere beholden orhe Borgerrecht an Schote / vnd ahn warke , an desme vorbenomeden guͮtde , To eÿner tuͮginge / Vnd Beckenthnisse diesser dinge is vnser Ingesegel ahn diessenn / Brieff gehenget , Desse brieff is gegeuͮen na gades borth duͮsent / Jahr , drie huͮndert ihar , an deme vefftigisten ihare , In deme dage / des hilligen Bischops suͮnte Brixius [?] /