Ik hans van velthem lüddeleffes sone Bekenne vor alsweme dat ik ge[legt] hebbe vnd(e) lige / inkrafft dusses breffes tho rechtem menliken lehne ffricken Santers[leue] borger tho Mag/deborch vnde hanse Santersleue borger tho haldesleue broderen eyn wissche(n) belegin / in dem(e) Merkeke bi dem Rischfoͤrde vnde eyne houe landes belegin v[p] dem(e) Stendelsche(n) / velde vor der stad tho haldesleue mit aller nud vnd(e) tho behori(n)ge so de ffricke santersleu / ore selige vader van mik hir vormals in lehnen vnd(e) weren gheh[had] hed Dusser gn(an)ten / wisschen vnd houelandes wil ik ffricken vnde hanse Santersleue oder [...] eyn beke(n)/nich lehnhere vnd(e) were wesen wur wanne vnd(e) wu vaken on des noed is vnde word / des tho bekanthnisse hebbe ik myn Ingesegel witliken hengen laten benedden an / dussen breff Begheuen na der geborth cristi vnses leuen hernn Werteynhünderth / iar In deme viffvnde vechtigesten Iare [...] Imme dage sa(nte) Georgii /