Ick Hannsz wegener Albrecht wegeners szeligers szone Borger der Stadt Borch Bekenne vor migk / myne erffenn vnnd(e) erffnehmen In vnnd(e) mith dusszem openbreue Vor allen vnnd iglichenn / die ohn szehen adder horen leszenn Dath ick mith wethenn willen vnnd(e) fulborth des / wurdighenn vnnd(e) achtbar(e)n Herr(e)n wiprechtes von Barbe Thesamarien [?] vnnd(e) Dümherren / der kerken tho magdeborch [...] alsze des Eldestenn synes geslechtes vndergeschreuen guder / lehenhern vp eynenn rechtliken bestendlikenn widderkop verkofft hebbe vnnd(e) vorkope In vnnd(e) / mith crafft dusszes brieues dem Erszamen Tone kroger Borgere der oldenstadt magdeb(ur)g / synnen erffen erffnehmen den adder dem , by dem he dusszenn brieff in synem lesten bestellenn / adder szust mith synem guden(n) willen befünden vnnd(e) enthalden warth anderhaluen wispel / Roggen Jerliker Renthe ahn vnnd vth eyner breide lande mith aller orer thobehoringe / Nemlikenn eyner holthmarken mith grasze wisschenn vp der yhle vor Borch twisschenn dem / nigentyn(n)en vnnd(e) der lanthwere gelegenn alle Jar Jarlikes vp die wynachtenn vnüortogert / vnnd(e) vnbekum(m)erth gheistlikes vnnd(e) wertlikes gerichtes vnnd(e) szust ahne alle behelp . / argelist adder geferde In der oldenstadt magdeburg bemelt(e)n Tone kroger synen erue(n) / erffnehmen dem adder den(n) die dusszen brieff mith synem guden willen Innehebben wer/den , vor vefftich gude vnwandelbarschee Rinsche gulden die wy die g(ena)nthe Tohne / kroger bereit betalt vnnd ick die szuluigen vefftich gulden in mynen vnnd(e) myner erue(n) / nüth vnnd(e) from(m)en gekarth vnnd(e) ghewanth hebbenn , tho oueranthwerden vorgnogen vnnd(e) / betalen , Mith bedingnisz vorgunst vnnd(e) willen des g(ena)nthen Tone krogers dat ick / myne erüen adder erffnehmen welkes jares wy willen bemelthe tynsze vnnd(e) renthe / widder aüekoͤpen vnnd(e) loszen mogen alszo soch [?] , dath ick myne erüen adder erffnehmen / bemelten Tonen kroger synen erüen adder erffnehmen den adder dem die dusszen brieff / mith oren guden willen innehebben werden , szulken wedderkop ein halff jar vor dem / termine der betalinge gedachter tynsze thoszeggen vnnd(e) vorwitliken szollen vnnd(e) willen / vnnd(e) den vp den szuluigen termyn Nemliken vp die wynachten darnechst volgende die vorgedachte vefftich Rinsche gulden houethsum(m)en mith den bedageden vnnd(e) vorszeten / tynszen , efft der welke vorszethenn vnnd(e) hinderstellich gebleuen wer(e)n ane vortoch in[...]/szage vnnd(e) geferde bemelten kopern vthrichten vnnd(e) vorgnogenn vnnd(e) betalen Vnde / Ick Wipertusz van Barben Thesa[...] vnnd(e) dumher obgnanth alsze die Eldeste mynes / geslechtes vnnd(e) lehenher obgedachter guder bekenne dath szulck kop myth myne(n) wille(n) / gunst vnnd(e) wethen gescheen vnnd(e) fulthogen(n) isz vnnd(e) forder stede faste vnd(e) vnuorbrake(n) / szolle gehalden werden des hebbe ick tho merer orkunde vnnd(e) szicherheith myn Ingeszegell / beneüen des g(ena)nthen hanszes wegeners ingeszegell witliken an dussen brieff lathen hange(n) / die gegeuen isz nha godesz geborth duszenth viffhunderth am ffridage nha Sunthe philips / vnnd(e) Jacobsz dage der hilligen appostelenn /