grut tu vorealzo de nu want ẏs wetet her wolraue(n) vn(de) her colbergh vn(de) gy gancze / mene rat dat iwe borghere hebbe(n) mẏ dat mynghe name(n) bertolt calkhorst vn(de) / nap vn(de) hebbe(n) iw dat tu woret vn(de) gẏ hebbe(n) dat iw nütte maket mẏnes ghudes / des gẏ mẏ ghenome(n) hebbe(n) des bẏn ik rechte worde(n) vor de(n) mene(n) steden vn(de) vntholet / mẏ mẏn ghut mẏd vnrechte vn(de) mẏd nẏneme rechte dar wil ik iw v(m)me berne(n) vn(de) roue(n) alde daghe dede ik leue(n) magh we(n)te ik gherne lik(er)uerue ko(n)de dat mẏ ghe / gegheu(en)e deffebref is desse(n) bref heft ha(n)nes scroder ik byn de gene de des bokant / ys de iwe spiker apghe brand heft vn(de) ẏn iwer stad ghe brand heft dẏkkar we(n)ne / enes vn(de) vppe de(ne) dorpe(n) vn(de) ha(n)nes bussow ghe va(n)g(h)en heft desser zake dorue gẏ nu(m)me(n)de / tẏghe(n) we(n)ne mẏ vn(de) wolde dat we zegghet dat ik dot were de lüchtet /

ha(n)nes scroder heft desse(n) bref vntghzant dede screue(n) ẏs / vnder mẏneme inghezeghele ¹