Minen denst to vorn an de erbaren lude borghermeẏst(er) / vnd ratma(n)ne to dantzeke .. War v(m)me bid ik juwe erbartheẏt / dat gij don dorch god vnd berichten de gude(n) lude . de de twe / schot(telen)hebb(e)n uch ghegheue(n) . de mekers vnd de bruͦwers . dat se / mẏ dar nen helpen dar se mẏ to ghebracht hebb(e)n wente al / den schad(e)n den ik des hebb(e) . den heb ik von ẏn . wente jw / wol witlich is dat ik my(n) dingh dar gheholden hebb mẏt / dem rade dat ik des hoͮpe to gode vnd to jw dat mẏ / anders nema(n) nicht kan ouer we(dder) segghen wenne alz me / ene(n) bederue(n) ma(n) don mach . vnd laten mẏ buten dem breue / vnd en leggen mẏ nene vor recnẏtze to wente ik ir vn / schuldich sẏ . wente my(n) herre de meẏst(er) sproken heft vnd / sprak wedir mẏnes heren kantzeler to der stolpe vnd / vor iiij ridde(re) dat he von von der vor recnẏtze mecht en wete / vnd we des ok nene macht mochten hebb(e)n to donde hir / v(m)me so vnd ik jw dorch god . dat gij is mẏ ok vordrege(n) / ok v(m)me den wreuel de hir gheschen is ok von des beres / weghen . dez wil ik mẏ then an twe uch dem Rade an hern / gherd mu(n)tern¹ vnd an hern herma(n) brutzekaw de dir bẏ / wen dat id mẏ leẏt waz . vnd noch is . dat id jw gheschach / vnd des nicht en dede Ok alze v(m)me dat vmbeschedene wort / dat en ma(n) sprak vppe dem rad hus vo(r) der meẏnheẏt we/ghen . dat ik dar nicht bẏ en was vnd nicht af en wiste dat / he dat spreken wolde Ok wetet dat ik in dem rade nẏ en / waz . dat ik des rades ergheste wẏs . wen alzo vele alz er jw in de / antworde ghesecht wart . wente mẏ wol rede sint to wetende / gheworden dat en vns(ir) schal ghesecht hebb(e)n . dat we den rad / wolden slan dat schal se legen alze ene nuͦle hu(n)d(er)ste(ndig) ve(ch) gij / hir bẏ don willen dorch god vnd dorch dez rechten willen dat / latet hern herma(n) colberghe vor stan mẏne(n) vadd(er)en . dar mede / guden nacht /

Wedeghe becker scr(ib)it hec²