Wir Brud(er) Conrat zolner vom Rotinsteyn Hemeyst(er)¹ des ordens d(er) brud(er)e des spetals sente marien des dutschen hus(es) von jrhn?? . mit rate vnd willen vns(ir) mitgebitig(er) vorlyen vnd gebin vns(ir)n / get(ru)wen Burgern vnd ynwonern d(er) alden Stat czu danczk vnd iren nochkomelingen eyne houestat / vumf ruten breyt vnd lang by d(er) Badstoben ken dem Rathuse gelegen , als sy jn von vns(ir)n Brud(er)n / sint bewyset , fry von zinse , ewiclich czu gemeynen nutze d(er) stat czu besitzen , weris ad(ir) , das / ymant dor vffe eynen kregem hette , jn deme man schenckte , d(er) sal do von tun als man tut / von and(ir)n kregemen jn d(er) alden stat , Sy sullin vns ouch tzinsen siben scot alle jar vf sente / mertins tag des Bisschoffs vor dy twer gasse by dem Rathuse do man czu sente jurgen get / vf das eyn weg dor durch blybe , vnd nicht vorgee , Czu ewigem gedechtnisse des(ir) dinge / han wir vns(ir) jngesigil an desin Brif lasen hengen , Gegebin czu danczk jn d(er) jarczal Chr(isti) M CCC . / jn dem sechs vndachtzigstin jare am nechstin sontag noch mathye ap(osto)li Geczug sint . vns(ir) / lyben Brud(er)e Brud(er) Cuno von lybinsteyn Groskomth(ur) , her mertin vns(ir) Capelan , Brud(er) dytherich / von loubheym huskomth(ur) czu danczk , karl von lychtinsteyn , werner von Tettingen vns(ir) / Compan vnd vil ander(e) ersame lute