Jt(em) SwarteLorentz hat bekant dat he schuldig is Jacob blisen / vor alle sinen redesten guderen xviij geringe / m(ar)k to betalende up ost(er)ne neest iij m(ar)k up michaelis / dar neest iij m(ar)k vnd(e) ost(er)ne iij m(ar)k vnd alle michaelis / iij m(ar)k beth de su(m)ma wol betalt is glik vor uolgeden panden / Der betalinge nergen ledich noch los to laten dan vargehegeden / Dinge actu(m) octaua die ephiphanie testes omnes [?]
Jt(em) Nic(olaus) topper hat angeclaget nic(olaus) cleme(n)t also vor eyne abehovene / hant de uth eyner wunden irstanden ist mit getuge selff/ souende dar nic(olaus) clement vnschult vor beth mit getuge selff / souende do nic(olaus) sweren solde vnd vuluaren do ordelde he he / mochte em de sake vorboten mit syme suluere vnd mit syme / gelde dat wart em gedelt des heft nic(olaus) clement de sake / vorboth mit eme haluen gesatten were gelde vnd is d(er) sake(n) / ledich vnd los gedele(t) Actu(m) ut sup(ra) /
Jt(em) Eyne berichtinge is geschen tusschen pawel storm an eme dele / vnd tusschen hinr(ik) hanen in vulre macht sine momen elsebeth / vnd Gheseke am anderen dele also van schelinge wegen de pawel / storm to donde heft gehat mit hinr(ik) hanen in der macht / de twyer vorbenompden vrowen vnde ander p(er)sone(n) na uth-/wysinge eẏnes vorsegelden breues von hanouer hir bi den rade / liggende den de rath mechtig dirkant heft des leth eer eyn / den andere(n) ledig vnd los d(er) saken bi sunder so blift hinr(ik) hane / schuldich pawel storm xxx geringe m(ar)k also von kost vnd / teringe eyns breues den he dar v(m)me gehalt hadde also von / der stad von hannouer welke breff machtlos vnd dat dirkant / is des salmen pawel stormes husfrowen eyne bude to scriuen / na inhalinge der scheppen buk also arnt hane eer dat in sine / testame(n)te gegeuen heft des ouer gift pawel storm alle de to / sproke vnde anclage de he von sines wyues wegen hebben / mochte vnd vor ander p(er)sonenwegen de ene gemechtiget hedden / to arnt hanen nagelatenen guderen vnde mit dar nicht meer /up saken intokomenden tiden [...]