Jt(em) Nic(olaus) steffen heft schichtunge vnde delinge gedan nic(olaus) kenot ha(n)s / kenot ertmut in vormu(n)d(schop) eres eliken ma(n)nes hans duuel katherina / in vormunde schop eres eliken ma(n)nes nic(olaus) wunne(n)berch elsebeth(en) in vormu(n)d(schop) / eres eliken ma(n)nes swarte merten vnd Gertrud(en) in vormun(n)d(schop) eres eliken / ma(n)nes Jacop wegener von sines doden wiues wegen mette de mit / arnt kenot vnd mit ha(n)s kenot sust(er) brudere vnd bernd(es) kindere / gewest sind vnd mit den vorbenompden vrowen Erwens ¹ bruder kinder gewest / sind to vulre genuge dar mede beholt nic(olaus) steffen bi em schult vnd / vnschult Actum ut sup(ra) /

Jt(em) Clawes ruge hot bekant dat he schuldig is lambert junge vor allema(n)ne / in alle sine(n) redesten guderen xvij m(ar)k vn(de) viij sc(hillinge) geringes geldes to / betalende up pinxsten neest gelik voruolgeden pande dar betalinge nerge(n) / ledich nach los to laten dan vorghehegedem dinge Actu(m) sabbato die ante / anthonẏ testes knake hawer kruckema(n) /

Jt(em) Jacop molner hot bekant dat he schuldich is pet(er) alss(e) [?] vor allerma(n)ne in / alle sinen redesten guderen xxxviij geringe m(ar)k to betalende up vastelaue(n)t / neest komende der betalinge mergen ledich noch los to laten dan vorgehe=/hegedem dinge actu(m) ut supra Testes Treptowe knake langeberc betcalt /

Jt(em) Cleys bruwer hot bekant dat he schuldig is michel von der heide vor alle /ma(n)ne in alle ma(n)ne in alle sinen redesten gude(re)n viij geringe m(ar)k vnd(e) / j fir(ding) to betalende up michaelis neest iiij m(ar)k up michaelis dar neest iiij m(ar)k / vn(de) j fir(ding) glik voruolgeden pande der betalinge nergen ledig nochlos to laten / dan vorgehegedem dinge Jtem so gelouet merten kruger vor de ersten / iiij m(ar)k dat de vornuget vnd wol betalet sullen werden gelik voruolgeden / pande des so gelouet Cleys bruwer wedder schadelos to holden merten krug(er) / des gelouedes gelik voruolgeden pande vnd der betalinge noch gelouedes / an beyden delen nergen ledig noch los to laten dan vorgehegedem dinge / Actu(m) fer(ia) secunda an anthonẏ test(es) Treptowe lange(n)beke Wryge Schowe /

Jt(em) Jurgen Ysmenger nic(olaus) schiphis hans risener vnd matis kolmener sint / vormunder geworden to hannes Jacob Grothe vnde margareta Casp(er) von wnsen [?] nagelaten kindere dar se der kinder vader bruder Andre(a)s werd(er)ma(n) / to gekoren heft eyn vor alle bi den kinde(re)n to donde als vormu(n)d(er) recht is / Actu(m) die anthonẏ testes Schonawe Trept(owe) langebeke knake /