Jt(em) Nicolaus kerner molner to prust vnde herman raute hebben bekant dat se beyde / to samene vnde eyn vor alle manne in alle eren redesten guderen schuldich synth / hinrik gyselberchtes sone xxxiiij ger(inge) m(ar)k to betalende de helfte up mertens / neest komende de ander helfte up osterne neest komende up isliken termin gelik / vornaligeden pande der betalinge nergen ledich noch los to laten dan vorgehe(ge)den / dinge jt(em) so heft hinrik gyselberchtes sone vulmechtich gemaket reynalt nederhof / de su(m)ma in to manen vnde up to boren gelik of he suluen p(er)sonlik vor ogen were / Actu(m) ut sup(ra) testes treptow [...] langenbeke /

Jt(em) Hinrik lysener heft bekant dat he schuldich is konze kempser vor alle ma(n)ne / Gawe [?] sẏnen redesten guderen iij last asschen varen claen to betalende up domi(ni)k(i) / neest hyr to danczke vryg vnde quit vnde vul gewraket gelik voruolgeden / pande der betalinge nergen ledich noch los to laten dan vorgehe(ge)dem dinge / actu(m) ut sup(ra) /

Jt(em) Nicolaus knoke [?] heft bekant dat he schuldich is Casper wals(er) vor alle ma(n)ne / in alle sẏnen redesten gudere(n) l ger(inge) m(ar)k to betalende up domi(ni)k(i) neest ouer eẏn / iar neest komende x ger(inge) m(ar)k vnd vort(mer) alle domin(i)k(i) x ger(inge) m(ar)k beth / de su(m)ma vul betalt is up iczlike termin gelik voruolgeden pande der betali(n)ge / nergen ledich noch los to laten dan vor gehegedem dinge Actu(m) ut sup(ra) /

Jt(em) Andreas sprenger heft sẏnen sibbetal [?] beswaren mit twen vonderen [?] vingeren / gestauedes edes up den hilligen also dat he vnde herm(en) claws rade ander suster / kindere vnde an der broder kindere echte vn(de) elik geboren syn ut ẏme eliken / bedde vulre gebort jt(em) so hebben getuget hans smet vnde peter gercke mit up / gerackeden vingeren gestauedes edes to den hilligen dat en wytlik is dat herm(en) claws rade vnd(e) andreas sprenger synt geboren ander suster kinder vnde broder kindere / echte vnde elik vulre gebort geboren Actu(m) ut supra dez is [...] gewest [...]

Jt(em) hans rouer heft bekant dat he schuldich is Gregor stelter vor alle ma(n)ne i(n) / al sẏne redesten gudere xxx ger(inge) m(ar)k to betalende gelik vor uolgeden pande / der betali(n)ge nergen ledich noch los to laten dan vorgehegeden ding Actu(m) ut sup(ra) /

Jt(em) Engelbrecht von werden is ledich vnde los gedelet also van Jacop vurow also van / des geldes wegen dat cuntz Wercht by em hadde van dyderik messen wegen so gat / also ix ger(inge) f(i)r(dink) Actum ut sup(ra)