Unsen vruntliken grot mit vormog(e)n alles gudes touornn Vorsichtigen guden frunde So also Juwir leue wol witlik is van der ordenancie des gemeynen dwtschen Copmann to kauwen mit Juw vorkerende de welk durch vnsen gnedigen hern h(er)n Homeister vnde syne Stede vorwillet zcugelaten vnde vorjoet is vpp dat de deuwtsche Copmann darsuluest mit Juw jn guden Regimente geholden vnd geregeret moge werden Also sy wy wol van vnsen Borgeren ok na Juwr vorschriuinge nuwelik an vns gedan vnderrichtet vnd hebben dat ok egentlich vernomen wo dat etlike dewtsche coplude de mit Juw vorkeren sulk vorschreuen Ordinancie nicht holden wil­len vnde vngehorsam darjnne werden vnde sik den entkegen setten darnw vele vorsumlicheit vnde vngelimpe van kumeth So hebbe(n) sulke gebreken vnde saken angeshen vnde hebben den Beschednn hans meynricks vnd niclos Runow vnse mede­borger disse beweisere to olderluden vmme denn gemeynen dwtschen Copmann mit Juw vorkerende dyt Jar vortowesen gekoren vnde geeydet dat se Juw disse vor­screuen ordinancie de wy en jn scrifften hebben medegedan vpt nye sullen verkundigen vnde to kennen geuen dat wy an vnsen dele vnsir Coplude haluen ernstlik willen geholden hebben vnde dat eyn yderman sik darna mach weten richten Ok hebbe wy den vorsereuen hans meynrik vnde Niclos Runow beuo1en vnd macht ge­genen dat se andre olderlude so se van kauwn theen jn ere stede setten ynd kesen mogen de dyt Jar de vorscreuen ordenancie mogen vnde sullen der gehorsam ryn vnd weret sake dat nymands mit Juw were de sik kegen de vorsereuen olderlude zulker vorscreuen ordinancie freueliken setten wolde vnde der vngehorsam tosiende so wille wy sulke vngehorsame so vorre se her mit vns to hus behoren mit hulpe vnd todoent vnsir hirschopp darto hulden dat se sulk vorscreuen ordinancie holden sullen vnde der gehorsam syn vpp dat de gemeyne dwtsche Copman deste beth to regiment gedyen vnd volfarth komen mochten Gegeuen to Danczik vndir vnsem Se­cret am fridage na martini epi(scopi) et consessor anno XLVIII Rathmanne Danczik /