Allen vnd itczliken de dissen Breff zehen horen edder lesen Bekenn(e)n / wy Borgermeister vnd Rathmann(e) der Stat danczik mit Erbedinghe / fruntlik(en) grotis vnde vormogen alles gudes witlik tostende dat vor vns / jnsittenden Rath gekomen is orthie Jacob schiuelbeyn selig(e) nagelat(ene) / elike husfrauwe jnwonersche vnsir stadt etwann(e) hefft darsuluest mit / eren upgericht(e)n vinger(e)n staued(en) eed ten hillig(e)n swerende betuget vnde / wargemaket dat hans schiuelbeyn desse bewiser er elike echt(e) rechte / sone is vth eynem eliken bedde na ordenu(n)ge der hillig(e)n kercken / vnde des sacraments der es fuller gebort getelet vnde geboren vnd / dat desulue hans is vnses gnedig(e)n herren homeisters to pruzen vndirszat(e) / vort so hefft darsuluest vor vns vns jnsittendem Rathe de vorsichtige / henny(n)g schult(e) vnse medeborg(e)r eyn loues vnd tuchwordich man / mit vp gerichten vinger(e)n staued(en) eed ten hillig(e)n gesworen dat em kunth / vnde witlich is dat de ergen(annte) hans schiuelbeyn jnwoner dis landis / to prussen vnde eyn vndirszat(e) vnses gnedig(e)n h(er)n homeisters vnde dat / de vorgen(annte) hans schiuelbeyn dessuluen hennyng(es) schulten gud(e)r vnde / wedder legginge hefft vnd ok so hefft desulue hans schiuelbeyn vor / vns darsuluest gelutbart dat de guder(e) de he hantwet vnd dar he mede / gepflaget anders neine denn(e) hir jnt lant to prusen to hus behoren vnde / dat nymands vp gotlande part noch deel darane hefft [ lat. Text ] Actum f(er)ia / quarta ante nativitatis marie Anno [...] xlviij