Witlik Sie alle(n) lude(n) Durch desse openne(n) breue by [Aue ma(ri)a qu(ar)ta ... tetu(m)] ut gesneden Dat schelinge vnd twedracht gewesen is tusschen Ghise vos van eyme vnd Buckouen Arnde / Erupeleuen dem got gneide nagelatenn(e) eelike husfrouwen vam ande(re)n dele Alse van des Bruwe huwes vnd(e) des geletes wegenn va(n) ime Dat in der fisschen gassen hinder erer beider Eruen / is belegen vnd(e) der Ronne(n) vnd(e) der anetucht de dar to denen Also dat de Ersame prester her Thomas Wete vnd Hans Steenhagen desulue(n) Schelinge vnd twedracht tusschen en / beide(n) van beider dele wille vnd volborcht also hebbe(n) entrichtet Jnt erste dat dat bruwe huws beide(n) Eruen denen sal Jszliken to Sẏme schonesten vnd besten wenne em gebort / to bruwen Vortmer Sal de vrouwe effte wer dat Erue wert in besittinge hebbe(n) dree kuuen vnd Ghise vos vnd sine Erffneme(re) effte Nakomlinge dat tappe kulen holde(n) vnd vorbeteren / vnd ok effte de behoff sin wat van nyens late(n) maken Vortmer Sal de vrouwe ere Erffname(n) vnd nakomlinge eyne water Ronne de lenge durch ere huws bette in dat bruwe / huws to beider Erue behoeff vpp ere kost Vnd Ghise vos Sine Erffname(n) vnd nakomlinge eyne anetucht durch sin huws vtt dem hoffe bette vppe de Strate ok to beider Erue / behoeff vppe sine kost . holden vorbeter(e)n vnd wenn(e) des behoeff sin wert beth [mens] late(n) legge(n) Vnd een sal dem ander(e)n sine(n) water vloͤte nicht vorstoppe(n) noch vorwere(n) Sunder de vloͤte / alse wol dor Ronne(n) alse dor anetucht sal beide(n) Eruen Vry wesen vnd eyme iszliken denen to syme besten Dar to sal de vrouwe effte wor dat Erue wert besitten eyne Koste loue(n) / vor de anetucht make(n) vnd de holde(n) dat de nicht vorsle(m)me noch vorstoppe Vnd effte nemand hir [...] don wolde de sal dem ande(re)n dele dortich gude m(ar)k sin vorwillen Doch / also bescheide(n) Dat desse berichtende stan sal to ghise osses to der vrouwen vnd to erer beider kinder leue(n)t De itzu(n)t gebore(n) sint effte noch gebore(n) moge(n) werde(n) Jn getuchnisz der / warheit Sint desser breue tweOw(er)eens ludende de eyne gowonlike(n) ut dem ande(re)n gesnede(n) den eyne(n) gyse vn(de) de ande(re)n de vrouwe in guden boewaringe hebbende De / gegeue(n) sint to Danczke Jnt Jar vnses her(e)n Duse(n)t veerhundert Jnt negen vnd(e) veertichste Jar uppten mandach vor Thome Ap(osto)li To merer sekerheit vnd vaster vorwaringe / hefft em iszlik del des ande(re)n breeff mit syme Ingesegel dar an gehangen vorsegelt /