Hirvp de Rath eynen vthsprok vor eyn watirrecht gedan hefft jn sulkem lude Sint demmale dat schipp(e)r Mert(e)n konig gelauet hefft mit schepe vnd gude vor de wisel tosegelde glik de rath vam Elbinge jn erem Breue getuget vnd Schipp(e)r Mert(e)n vorben(omed) des ok tosteit wowol he des nicht gedan hefft , wes de Reiders des bewisn konen dat se des to schaden gekomen syn vnd genomen hebb(e)n de bewislik syn dar gat vme alse eyn waterrecht vthwiset. Item alse de schipp(e)r claget dat he jn dem vorschr(euenen) Schepe jn der see van den vianden vmb schip vnd gut tobeholden vorseret vnd vorsmertet is dat sal schip vnd gut gelden vnd betalen wes em des gekostet hefft It(em) alse sick de ergen(annte) schipp(e)r beclaget dat he syn schipp verfrachtet vnd vitalie darto gekouft hefft dat den Reders wol witlik was vnd en syne Reders dar bouen vt dem schepe vthgesettet hebb(e)n vnd dat schip nicht mit em gesettet hebb(e)n alse eyn vvaterrecht is , wes de Schipp(e)r daruan bewis(e)n kan, des he daraff to schaden gekomen is dar gae jd v(m)me alse eyn waterrecht is lt(em) alse de schipp(e)r vorben(omed) sick beclaget dat he vor schipp(e)r vnd Sturman eddr loszman gesegelt hefft , ist id sake dat de schipp(e)r daruan nicht vernuget is vnd entfangen hefft so syn em de Reders alle plichtich gelik daruar to doende hure vnd furinge to geuende gelik evnem andern stuermanne /