Mynen willigen denst mit steden gebede in gode den h(er)n touoren [?] Ersamen h(er)n / alse gij my datum [?] de kore to den twen kercken alse to Sunte pet(er) et pauli vnd to Sunte / johannis to dantzik tokesende gegeuen hebbet also leuen gunstig(e)n h(er)n sette jk myne / myne ¹ kore mit grotir dancksamicheit to Suͦnte Joha(n)nis kercke(n) jn den namen vnsirs / h(er)n jhesu Cristi vnd ² de gar denstlik vnd fruntlike bidden De De sulue sinte joh(a)n(nis) kercke nun in sulker wise alse juw myn Eldest(e)n des haluen vor mẏ biddende gescr(euen) / hebb(e)n willet gutliken vorwesen vnd tohand(e)n stan laten beth jk by juw Ersamheit keg(e)n / Dantzik kome vnd dat mijn leh(e)n der Capelle nicht vorgeuen werde luth thor tijt da / jk jn de vulle besittinge dersuluen kerk(e)n tosinte johanis kome vpp dat jk nicht / tusschen twe Stole neddirsitten gha na deme dat disse dinge jn dussen gelopen jo maken vnd sik also hebben³ wente sulck jd anders den anders faren so wil / Jk auer myne Capelle dar gy my mede beleneth hebb(e)n bouen alle dingk behold(e)n / vnd vnuorgeuen tohebb(e)n vnd Jk segghe der capelle ok nicht vpp er jk weith [?] wo jk / my darjnne holden sall leuen her(e)n jk bidde denstlik(e)n my hirvmme also tobesorgen min / vorwaren alse jk des gantzen getruw(e)n hedde to juw(e)r Ersamen wysheit vordenemede / vorschulde dat alle wege g(er)ne mit myne(n) v(or)mog(e)n denste mede gebede weddir v(m)me wor / sik dat sal vnd mach gew(e)rn Gode almechtich sẏth beuol(we)n to lang(e)n selig(e)n tijden / Gegeuen to Chorun am frygdag(e) nae ascensio d(o)m(ini) anno ic liiij

Juwer h(e)rlicheit demodige

Statschriuer vnd Cappelan

Arnoldus nagell