Jt(em) Lorentz van Scaden hefft dat vor(benomet) lx holt dat em Jorge(n) nyman ouergeuen / hefft alse vorgeschr(euen) is vort ouergeuen Jacob eekemane alse em dat ouer-/geuen is vulmechtich darby vnd mede to donde vnd tolatende alse mit syne(n) / eygene(n) gudern vnd he wil dar nicht mer vptozaken yn tokomenden tiden / Act(um) ut sup(ra) /

Jt(em) Barbara Gregor dorebusch nagelatene husvrowe Jn vormu(n)deschop hans / keseling(en) hefft schichtinge vnd delinge gedan hans dorebusch des vorschr(euenen) / Gregors eres doden ma(n)nes halffbroder tp vuller genoge dar nicht mer / vptozaken yn tokomenden tiden vnd de vorescr(euene) hans hefft er den schichteyd / vorgeuen Dar mede beholden se van beiden delen schult vnd vnschult by / en Act(um) ut sup(ra) /

Jt(em) Symon molner hefft bekant dat he schuldich is yn alle syne beredsten / guder vor alle ma(n)ne erst Maetz Langen ij geringe mark tobetalende / vp Jacobi negest j mark vnd de ander m(ar)k vpp martin darnegest al / glik voruolge(n)dem pande der betalinge nerne leddich noch los to laten / denne vor Gehegdemdinge Act(um) ut Sup(ra) /

Jt(em) Andrewes Bunge hefft bekant dat he schuldich is yn alle syne beredsten guder(e) / vor alle ma(n)ne Erst Nicclos Swanken xx geringe mark dar wil he em / pande tor noge voe setten to betalen vnd to losen glik voruolgedem pande / Der betalinge nerne leddich noch los tolaten deme vor Gehegdem dinge / Act(um) ut sup(ra) /

Jt(em) Mattis prusse yn vormundeschopp katherinen syner eliken husvrowen de jacob / van Czaken elike dochter is hefft bekannt dat he van h(er)man van Gneken ent-/fangen hefft an Suluerwerke also an knopen gordel paternoster lepeln / et(cetera) so gud als xxxviii geringe m(ar)k vnd im scot [?] dat Jacob van czake / dem vorsc(reuenen) h(er)msn to truwer hant gedan hefft yn vormyneringe der Su(m)me / geldes de de vorsc(reuene) Jacob der vorsc(reuenen) Katherinen syner dochter na verwisinge / der Scheppenboke schuldich is Welk Suluerwerk de vorsc(reuene) matt(is) dem vorsc(reuenen) herman mit rechte affgwunnen hefft Act(um) ut sup(ra) /

Jt(em) Hans Walrauen hefft bekannt dat he schuldich is yn alle syne beredeste(n) guder / vor alle ma(n)ne erst heidemarck [?] Roggen xx geringe mark tobetalen vp do-/mi(ni)k(i) nagestkomende glik voruolge(n)de pande D(er) betalinge nerne leddich noch / los tolaten de(n)ne vor Gehegedem dinge Act(um) feria secunda an Ascensio [...] testes /

Jt(em) hans lemke hefft bekant dat he schuldich is yn alle syne guder bewegelik vnd vmbe-/wegelik vor alle ma(n)ne erst Allex vnd Grynwolde hans Rungen nagelatene(n) kin-/dern xxx geringe mark alse van schicht(inge) vnd delinge dede vorsc(reuene) hans Runge / eres doden vaders wegen Tobetalende glik voruolge(n)de pande Der betalinge / nerne leddich noch los tolaten denne van Gehegdem dinge Vnd de Erwer-/dige Raed hefft ok van der vorsc(reuenen) twier kinder wegen by sik xl geringe m(ar)k / ok van eres Doden vaders wegen vorseten Act(um) ut sup(ra)