Vor alle(n) lude(n) de dessen breeff zeen effte hore(n) lesen Bekenne ik peter montaw borger to Danczkin in der Rechten Statt Sat ik Rechter vnd witliker Sthuke / schuldich bin dem ersame(n) man(n)e Clawes dergeheÿm borger darsuluest to Danczke dessen bewiser veer vnd Sesztick m(ar)k prusch genges geldes Dar vo(n?) / ik vol vnd all entfange(n) hebbe vnd to alle mÿnem willen van en wol bin [..?.]get Desse vorscr(euen) veer vnd Sesztich m(ar)k geloue ik peter montaw vorscr(euen) / mit allen myne(n) Erffname(n) vnd nakomelinge(n) Den vorscr(euen) Clawes dergeheÿm effte [...?...] desses breues vpp Sente Yorgensdach nw nestess kome(n)de / one alle arge list geviszlik vnd vnverthegert wol to betalen(de) mit wedderlegginge vnd genoch dem? [.?.]llen schaden sunder kost vnd theringe [...?...] dar vpp / gaen vnd komen mach gelike den Rechten houet gude effte desse betalinge tor vorscr(euen) [...?...] na alle wise So alsz ik hir to vor gelouet hebbe nicht en schege / In getuchnisz der warheit hebbe ik peter montaw vorscr(euen) mÿnJngesegel mit Rechten wetenn vnd willen an dessen breeff gehange(n) De gegeue(n) is dar suluest / to Danczke Jnt Jar vnses her(n)n Dusent veerhu(n)dert Sesz vnd viefftich [...?...] [...?...] Sa(n)cti Thome daggh(e)