Wÿ herman Stargard Bürgermeister Dirck oldefeldt Vnd Tideman langebeke der stat danczik / Bekennen vor vns vnd vnse nahkomelinge apembar mit dissem vnsern apenen breffe alle vnd iczliken dee / en zeen effte horen leszen dat vns dat puwczkerampt vor soszduwszent vieffhundirt m(ar)gk prusch geringes geldes / is vorsettet allic(er) vrbar darsoͤluest gefallende togebruwken betsolange vns solke vorbenomede houetsu(m)ma volkome / licken is betalet vnd weddergekeret Nah lude des breffes vns van dem Grotmechtigen herr(e)n Johann van Baÿszen / diss(e)r lande preueszen Guvernatori vnd der stat Thoruͦn gegeuͦen vnd vorsegilt des so hebben wie hermann / Stargardt dirck oldefeldt vnd Tideman(n) langebeke vorbenompt solk vorgeschreuen vnd vorsettet puwczkerampt / der stat danczik endtreden vnd genczlik oüergeuͮen bekennende van dem werdigen rade dersuͮluen stat danczik voll / koͤmlick vnd all vnsze vthgelechte geldt empfangen hebben to genczlicker vnd volkoͤmender genoͤge Darumb von / herman Stargardt Dirck oldefeldt vnd Tideman langebeke gelauͦen nach durch vns vnsze erffnamen effte / suͦst fruͦnd effte fremde geistlicken effte wertlicken suͦlk geldt nicht tomanen effte to forderen jn allen tokamen-/den tiden genczlik vns des puwtczkeramptes vakegenompt vortugende vnd der vakemelden stat danczk / oͤüergeuͮende das to warem getuͦchnisse vnd fuͦderem gedechtnisse hebben wie herman Stargardt dirck / oldefeldt vnde Tideman(n) langebeke velegenompt vnsze jngesegelle persoͤnlick mit gudem weten vnd willen / angedrucket dissem breffe de geschreuen is vnd gegeuen to danczk Nah cristi gebordt duwsentveerhundirt / vnd darnah jm soͤszvndfuͦfftigsten Jar des mandages to ostern