Jn deme namen vnsers he-/ren amen jn deme iare / der gebort dessulue(n) Duse(n)t / verhundert vervnde Negen-/tich to instendicheit der Bo-/schedene(n) manne(n) Meyster / des werkes der Repsleger / in vnser Stadt frigheit ge-/seten hebben wy Borger-/meister(e) vnde Rathmanne / der Stadt Dantczike disse / nageschreue(ne) artikele den-/sulue(n) togeslate(n) vnde vor-/louet toholden /

Jnterste dat nyma(n)tthowe / slaen sal , dat garne sy den-//ne ersten van deme geswar-/nen wraker gemaket /

Jtem allerley water thowe / cleyn efte groth , sal men / slaen van guden garne /

Jtem itczlick hundert wy(n)-/nynge , sal hundert elen / langk syn /

Jtem dat hundert weue-/linge , sal langk syn hu(n)-/dert vademe //

Jtem lothlinnen , lyklinnen , /vischlinnen , howsnoer , / itczlick stucke van lx va-/demen /

Jtem dorschtow xij snore / vp dat stucke , de snoer sal / langk syn xxx vademe /

Jtem husinge , Marlin-/ge , Sarbant , itczlick sn-/oer sal hebben xv vade(me) /

Jtem so sal nyma(n)t stre(n)ge //

maken van oltem thowe / Ock nicht van oldem byn-/nen , vnde de buten mit / nyen vorleden , sunder(n) / gude getwernde strenge / na der olden gewanheit / vnde itczlick sal syn iiii / ele langk vnde dat / thoemstrick sal syn ij / vadem langk /

Jtem so sullen alle meister(e) / de nhw tor tydt syn , Als / nomeliken // ¹ Mich-/el sweder Peter gerbrecht / sullen des warc-/kes to erem leue(n)de gebr-/uken , ffurder / sal nymandt des warc-/kes ware veyle hebbe(n) / he hebbe denne dat ha-/ntwargk utgeleret vn(de) / dat myt syner handt // bowyset Ock sal / nymandt des warckes / gebruken , he hebbe den-/ne dat leen van deme / Rade entfangen /

Jtem off eyn geselle mit / synem meister dar he / mede were en twen sp-/reke jn twedracht qweme ² , den sal keyn meist(er) / tosette(n) he hebbe denne / de saken van beiden par-/ten gehorth /

Jtem off eyn lereknecht // synem meister entlepe / bynne(n) syne(n) lere Jaren / den sal keyn meister / tosetten ane irkenntnis-/se des Rades /

Jtem eyn itczlick lere / iunge de sal twe jar by / synem meister leren /

Jtem off ymandt from-/des queme vnde vnse / hantwergk geleret had-/de vnde sick in anderen / iegenden nicht fromelick // geholden hadde , den sal / nymandt tosetten bet / so lange he genogesa(m) / bowysz bringe wo he / van dar geschede(n) is /

Jtem alle gemakede tou-/we vnde ware de uth / andere(n) steden hyr ge-/brocht wardt , moge(n) / de borgere kopen itczlick / to syner notroft vnde / nicht wedder to uor-/kopen /

Jtem so sullen alle iar // gelick andere(n) ampten / twe Olderlude uth ere(m) / warcke durch den Radt / gekare(n) warde(n) , vor den / Radt kame(n) , vnde van / deme Borgermeister / tor tydt wesende geedet / werden , vnde desulue(n) / solen in deme iare alz / se Olderlude syn , van / itczlicken meister eres / warckes j geringe m-/argk vp S(unte) Martini vpt / Rathusz bringen vn(de) / deme kemerer ouerant-/warden /

Jtem so sal itczlick syn // Segelgarn maken van / vullen punden /

Jtem de vnses warckes / meister werden wil , de / sal desse nageschreuene / warckstucke maken va(n) / synem egenem henppe / vnde , kavelgarne dat / he mit synem Ede sal / beholden /

Jnterste Dat enne smi-/te sy van vi dumen / vnde xv fadem langk // Jtem eyn Kavelthow v / dumen vnde lx fadem / langk /

Jtem eyne Schote van / v dumen vnde xvi fade-/me langk /

Jtem dese artikele bauen-/schreuen alle vnde itczli-/ke , sullen staen twe iar / langk to des ersamen / Rades behalh ³ // Jtem wen me(n) to like efte / to hope werdt vorbadet / welk brvder dar nicht kommet efte sta(n)de de sal / twe schillinge geuen /

Jtem to deme olden like / to graue , so sal beide ma(n) / vnde fruwe syn , to deme / kinde sal syn der Meister ader syne eliche husfruͦe ⁴ vn(de) / to deme lere junge by ij schill(inge) //

Jte(m) wen me(n) to like efte / to hope werdt vorbadet / welk broder dar nicht / kommet efte ste(n)de , de sal / twe schillinge geuen /

Jtem to deme olden like / to graue , so sal beide ma(n) / vnde fruwe syn , to deme / kynde ader syne eliche husfruͤe ⁵ vn(de) / to deme⁶ lere junge(n) by ij schill(inge) /

Jtem de jungesten sole(n) dat lyck to graue dregen /

Jte(m) wen me(n) de broder in / dat werck vorbadet , in // der stu(n)de alz se vorbadet / w(ur)den so solen se kame(n) / by ij schill(inge) /

welk geselle de dar wil / meister w(er)den , de sal ey-/ne(m) meist(er) eyn Jar denen / dat he en nicht strafet / na irke(n)ntnisz des werckes / bauen al des Rades / Jte(m) welk geselle dat werk / wil heische(n) , de sal eyne / quatertemper touorne / heischen er he dat werck-/stucke sleith , Is idt sake / dat he nicht vulfaret // So sal he noch eyne hal-/ue q(ua)tertemper heschen / touorne we(n) he syn mei-/sterstucke geslage(n) heft / So solen van den iiij ol-/deste(n) meisters dat boseen / off he ock vulfare(n) m-/ach /

Jte(m) we(n)ne de broders to / hope kame(n) , so sole(n) de / iu(n)geste(n) ij schencken De / sick dar kege(n) wil sette(n) / de sal breken j to(n)ne ber / vnde de den iu(n)geste(n) ouer-/last deith , de sal desulue / broke ock geuen . //

Jte(m) welk meist(er) de deme an-/dere(n) syn gesnide entspe-/net De sal geue(n) j to(n)ne / ber

Jte(m) welk meist(er) eyne(n) le-/rejunge(n) tosettet , so sal / de lerejunge l m(ar)k in dat / wergk geuen /

Jte(m) welk broder deme an-/dere(n) syne(n) Copma(n) ent-/spenet , sal de Raedt de / broke irkenne(n) /

Jte(m) we(n) de broder(e) tosam-/ne kame(n) vnde syn vor-/badet , so sal keyner //

lange were by sick drege(n) /

men eyn messer dar he / brot mach mede snyde(n) /

Jte(m) welk broder deme an-/dere(n) entkege(n) is mit wor-/de(n) efte mit werken , de / sal gebraken hebbe(n) l / to(n)ne(n) ber na irke(n)ntnisz / der saken vnde der wer-/ke /

Jte(m) welk meist(er) de eyne(n) / gesellen wil tosetten / de sal erste(n) deme andere(n) / frage(n) dar he aff is ge-/scheden wo he sick mit / em heft entschede(n) by // eyner halve(n) to(n)ne ber /

Jte(m) welker geselle man-/dach maket ane synes meisters wete(n) vn(de) wille(n) / de sal breken ij l(u)b(esche) was / in dat went[?] ⁷ /

Jte(m) so sal elk meist(er) de / dar vaste(n) draet cope(n) / van den bure(n) , den sole(n) / se nicht furder vt sche-/ren wen xl fademe / by pene j to(n)ne ber(es) //

Jte(m) welk meist(er) de water / thow slaen de sole(n) dar / nhen falsch garne to / don nemlick to kabel-/thow Stege Smiten / Schote(n) dregetrep bo-/gereep Mantels tope / reep boge lyne(n) wirt / de jmandes in dese stuc-/ken befunde(n) de sal eyne(n) steen was gebreken /

Jtem so sal elk meist(er) nicht / mer den ij knechte / holden Alz iii gesellen / vnde ii lereiungen / Item welk geselle de / sick settet kegen de mei-//sters mit vreuel de sal / eyn jar wandere(n) na der / saken gestalt vnde irke(n)t-/nisse des rades /

Jtem welk geselle de dar / meist(er) wil w(er)den de sal / syne(n) bortbreeff haben / vnde wo he sick mit syne(m) / meist(er) heft geholde(n) efte / he ock echte vnde recht / is gebaren /

Item welk meist(er) steruet / do sal de fruwe dat werk / dar na ma(n) eyn jar holden / Jte(m) nyma(n)t sal up vnsem / wercke meist(er) w(er)den he / sy de(n)ne in deser Stadt / borger geworden //

Jtem nymant szal kabelgarn / dreghen van vngeswu(n)genem / hempe ock nicht va(n) littousch(em) / ad(e)r bynne(n)lendische(m) he(m)pe by / j steyn waszs /

Jte(m) nyma(n)t sal mit syn(er) ware / synes nabers dore vorhengen / by iiij p(unt) waszs /

Jte(m) de den hokers er(e) war(e) todregen / salen iiij p(unt) waszs breken /

Jte(m) nyma(n)t szal Bast draͤt leng(er) / als me(n) va(n) den bure(n) koft lenger / den xl vadem scheren , by j st(eyn) wasz /

Alle vorscr(euene) artikel salen staen / to des Ersa(men) Rades behach / desulue(n) touormy(n)nern adir touor-/mern eft touorandern nah willen