Vor allenn vnnd Jszlikenn de dessenn vnnszernn apennenn Breef zehen horen ader leszenn vnnszernn Bsonn-/der gunstigenn herenn vnnd gudenn frundenn Bekennenn wy Borgermeister vnnd Rathmann der stadt Dann-/czik mit fruntschapp begernde tv wetenn at vor vnns im Sittendenrade De Erszamme Richter vnnd / Scheppenn Gehegedeszdings vnszer genn(anten) Stadt apenbar(e) hebbenn bekant vnnd getuget wo vor enn jnn / gerichte De Vorsichtige Symonn Dalemynn vnsze Borgher heft jnn der bescre(uenen) form wysze vnnd / weghe alsz he szalre [?] vnnd vann rechte mochte vulmechtich gemaket Denn vor vorfrentliken Jurghenn Henningh / alle vnnd jszlike syne binnenn vnnd buthem landes vthstande schulde by wem(e) de moghenn bfundenn werden / tofordernde uthauende [?] vnnd toentpfangende Dorch fruntschap edder recht Eyde tonemende vnnd touerlatende / vann denn entpfangenenn toquiternde [?] Eynenn ock adir mehr vortann tomechtigende zo vake vnnd vele / em dat wert behof synn vnnd vann nodenn vnnd gemeynlick alle dingh vnnd rechtgangk darby vulmechtich / todoende vnnd tolatende Glick he suluest doenn vnnd latenn mochte zo he personlick iegenwerdich wer(e) vnnd / vor oghenn Glauende dat suluige stede vast vnnd vnuorsert toholdenn jnn allenn tokamendenn tidenn [...] / denn [...] alle vnnd Jszlike mit dissem [...] Jnstendigs [...] vnnd fruntlick Dem genantenn / syne zo [...]tigedenn bestendich toirschriuenn vnnd behulpenn he [...] schulde tom bestenn synes mechti-/gers vann denn jhemenn de ede belange erfordernn moghe erholdenn vnnd entpfanghenn vorschuldenn wy / jnn allem gude [...] wedderumb Jnn vrkunde der warheit mit vnnszer Stadt vndenopgedrucktenn / Secret vorsigilt vnnd gegeuenn to Danczike jm jar(e) c(hrist)i Duszentuerhundertveervnndnegentichstenn / deme Elften dach jn Octobrj