In deme namen vnsers Herrenn ame(n) Jn deme Jare der geboert des suͦluͦen Duͦszent verhuͦndert vervnd Negen/tich to instendicheit der boschedenen mannen Meystere des warkes der Repsleger yn vnszer Stadt fryheit geszeten hebben wy Borgermeistere vnde Radtmanne der Stadt Dantzicke dissze nageschreuͦe(nen) artikele denszuͦluen to gelaten vnde vorlouͦet to holden

Jnterste dat nymant thowe szlaen szall dat garne szy denne ersten van deme geswarwen wraker gewraket

Item allerley Water thowe kleyn effte grot szall men slaen van guͦden garne

Jtem ytczlick huͦndert wynnynghe , sall huͦndert elen langk szyenn

Jtem dat huͦndert Weuͦelinge , szall langk szyen huͦndert vademe

Jtem Lothlinen , Lyklynenn , Vischlynnen howsnoer , itzlick stuͦcke van lx vademen

Jtem Dorschtow xij sznore vp dat stuͦcke de snoer sall langk sien xxx fademe

Jtem Huͦsinge , Marlinge , Sarbanth itczlick sznoer sall hebben xv fade(me)

Jtem so sal nyma(n)t strenghe maken van / oldem thowe , Ock nicht van oldem bynne(n) / vnde de buͦten mith nyen bokleiden , suͦnder / guͦde getwernde strenge na der olden ge-/waenheit vnd itzlick sal szien iiii ele la(n)gk / vnde dat thoemstrick sal szyn ij fadem la(n)gk //

fuͦrder szall nymandt des warckes wahre / veyle hebben he hebbe denne dat hant-/werk vtgeleret vnd dat myt sziner hant bewyszet Ock szall nymant des werkes / gebruͦken he hebbe denne dat lehen vann / deme Rade entfangenn /

Jtem off eyn geselle mith synem meister / dar he mede wehre jn twedracht qweme / den szall kein Meister tosetten , he hebbe denne / de szaken van beiden parten gehoert /

Jtem off eyn lehrknecht synem Meister / entlepe bynnen szynen lere Jaren denn //

szall keyn meister tosetten ane erkenntnis / des Rades /

Jtem eyn Itzlick lehr Iuͦnge de szal thwe / jar by synem meister lerenn /

Jtem Off ymandt fromdes quͦeme , vnde / vnsze hantwerck geleret hadde , vnd sick / jn anderen jegenden nicht fromelick ge-/holden hadde , den szal nymandt tosetten bet / szo lange he genochszam bewysz bringe / wo he van dar gescheden is //

Jtem alle gemakede thowe vnde wahre / de vth anderen Steden hir gebrocht / werdt , mogen de borgere kopen itzlick / to syner nodtrofft , vnd nicht wedder / touͦorkopenn /

Jtem szo suͦllen Alle iar gelick andere(n) / ampten thwe Olderluͦde uͦth erem / wercke duͦrch den Radt gekaren werde(n) / vor den Radt kamen , vnd van deme / Borgermeister tor tydt wesende geedet / werden , vnde desuͦluͦen szolen jn deme / iare alz se Olderluͦde szien , van itz-/lickem meister eres werckes j geringe margk vp Martini vpt Radthuͦsz //

bringen vnd deme kemerer ouͦerantwerden /

Jtem so sal itczlick szyn Segel garn ma-/ken van follen puͦnden

Jtem de vnszes werckes Meister werden / wyll , de sal dissze nageschreuͦene werck-/stuͦcke maken van szynem egenem henppe / vnde kavelgarne , dat he mith sinem Ehde / sal beholden /

Jnterste , Dat eine smyte szy van vi duͦme(n) //

vnde xv fadem langk /

Jtem eyn Kavelthow v duͦmen vnde lx fa-/dem langk /

Jtem eyne Schote van v duͦmen vnde / xvi fademe langk /

Jtem wen men to like efte tohope werdt / vorbadet welk broder dar nicht kommet / efte stuͦnde , de sazl thwe schillinge geuͦenn //

Jtem to deme olden liͤcke to grauͦe , szo sall / beide ma(n) vnde frwe szyn ,vnd to dem / kinde sal syn der Meister ader syne / ehlicke huͦsfrwe vnd to deme lehr juͦnge(n) / by ij schillingen /

Jtem de Juͦngesten szolen dat lieck tho / grauͦe dregen /

Jtem wen men de broder yn dat werck / vorbadet , yn der stuͦnde alz sze vorbadet / werden , szo solen sze kamen by ij schill(inge) //

Jtem welk geselle de dar wil meister / werden , de szal eynem Meister eyn Jar / denen , dat he en nicht strafet na erkent-/nisz des werckes Bauͦen al des Rades /

Jtem welk geselle dat werk wyl heisch(e)n / de sal eine quͦatertemper touͦorne heischen / ehr he dat werckstuͦcke szleydt , Is jdt sake / dat he nicht volfaret , Szo sal he / noch eyne haluͦe quͦatertemper heschenn / touͦorne , wen he syen meisterstuͦcke ge-/slagen hefft , Szo solen van den iiij oldest(e)n / meisters dat besehen off he ock volfaren / mach //

Jtem wenne de Broders to hope kamen / szo solen de Juͦngesten ij schencken , De / sick dar kegen wyll setten , de sal breken / j to(n)ne beer , vnde de den juͦ(n)gesten ouͦer-/last deith , de szal desuͦluͦe broke ock geuͦenn /

Jte(m) welk Meister de deme Anderen syn / gesnide entspenet , De sal geuͦen ein tonne / behr /

Jtem welk Meister eynen lehr juͦnge(n) tosettet / szo szall de lehr juͦnge l margk / jn dat wergk geuͦenn //

Jtem welk Broder deme anderen syne(n) Kop-/man entspenet , szall de Raedt de broke / erkennen /

Jte(m) wen de Brodere tosamne kamen vnd / syen vorbadet , szo sal keiner

langhe wehre / by sick dregen men eyn messzer dar he / brodt mach mede snydenn /

Jtem welk Broder deme anderen entkegen / ys mith woerden efte mit werken , de / szall gebraken hebben j tonne beer na er-/kenthnisz der szaken vnd der werke //

Jtem welk Meister de eynen gesellen / wyl tosetten , de szal ersten deme anderen / fragen , dar he aff is gescheden wo he / sick mit em heft entscheiden , by einer / haluͦen tonne beer /

Jtem szo sal elck meister de daer vasten / draet kopen van den Buͦren , den szolen / se nicht fuͦrder vt scheren wen xl fa-/dem by pene /

Jtem welck meister de Water thow slaen / de solen dar nehn falsch garne to doen / nemlick to kabelthow Steghe Szmiten //

Schote(n) Dregetreep bogereep Mantels / topreep Bogelynen Wuͦrde jmandes / jn diszen stuͦcken befuͦnden de szal eynen / steen wasz gebreken /

Jtem szo sal elck Meister nicht mehr den / ij knechte holden Alz iii gesellenn / vnde ii lehr juͦngen /

Item welck geselle de sick szettet kegen / de Meisters mith freuͦell de szall / eyn jaer wanderen na der szaken gestalt / vnde erkentnisz des Rades //

Jtem welck geselle de dar Meister wil wer-/den de szal synen Bortbreeff haben vnd / woh / he sick mith synem meyster hefft geholdenn / effte he ock echte vnd recht is gebarenn /

Item welck Meister steruͦet , Szo szal de fruͦwe dat Werk dar na man ein jar holdenn / Jtem Nymant szal vp vnszem Wercke / meister werden , he szy denne jhn diszer Stadt / Borger gewordenn //

Jtem Nymant szall kabelgaern dregchen van / vngeswuͦngenem hempe ock nicht van / littouͦschem ader bynnenlendischem hem-/pe by j stein waszs /

Jtem Nymant sall mit sziner wahre / szynes nabers dore vorhengen by iiij / puͦnth waszs /

Jtem de den hoͤkers ere wahre todregenn / solen iiij puͦnth waszs brekenn //

Jtem Nymant szal Bastdraet als men / van den Buͦren koft lenger den xl vadem / scheren , by j stehen wasz /

Alle vorschreuenen Artikel szolen staen to des / Erszamen Rades behach desuͦluͦen touͦormy-/nern ader touͦormehren effte touͦorandern /

Jtem szo suͦllen alle meystere de nhw tor tydt / szyen als nomelicken Lorentz vnger , Matz /ouͦerbeke , Dynnyes raske , Jacob Bekemann / Thomas grote Szymon Vouͦer , Jacob vosz / hans illiger , Michel szweder , haqns wynterfelt / Peter Bütke , Peter gerbrecht szuͦllen des Werkes //

to ehrem leuͦende gebruͦkenn