[...] ¹ vnd(e) bekant dat de viijC m(ar)g de by em / siyn an solte vnd(e) an [...] by luden szo de schrift vtwyset / de helfte em vnd(e) synem broder her nicolao to kame vnd(e) de ander / helfte der fruwen Margareten erer beyder steffmoder vnd(e) sulke / viij C m(ar)g der fruwen andeel zal he der fruwen margarete(n) gelden / vnde betalen an solte an gelde oft de schult by den luden auer / wyseb ere andel wanner er dat beleuet oft eren mechtiger vnd / vnd(e) alle huͮser boden spiker erue liggende gru(n)de tynser welker-/ley de syn de zelige hynrick hepper nagelaten heft war em de to gescr(euen) staen vnd(e) schulde by deme Erszame(n) rade zal me(n) de helfte / to sc(reuen) fruwe margareta zelige hynrick Heppers nagelat(e)n husf(ruv)e / vnd(e) de ander helfte her Nicolaus vnd(e) andreas Hepper vnd(e) de bey-/den broder bliue(n) mit der fruwen van eres zeligen vader weghen / vp schult vnd(e) vnschult vnd vorlate(n) beyde sametlick vnd(e) eyn itcz-/lick besunder den schicht eyt der glicken gift sick de frunde to / freden mit der rekenscop de andreas Hepper gedan heft dar de vor-/gesc(reuen) viij C m(ar)g by em noch syn de der fruwen halff tokamen / szo vorgesc(reuen) steit dar mede sulle sze van beyden delen to to fruͮnde / vnd(e) to frede syn vnd(e) alle rechtgangk vnd vnwillede tuschen / en beyden entsproͮte(n) is dat syvor geistlicken oft wertlickem ge-/richtes zal affgeslagen syn vnd geendet Besunder szo her Nico-/la(us) Hepper mit syner pro[...] Breue wes menet to vordere(n) dat / blift bute(n) staen kan he dar mede wes mane(n) daer aff moet de fru-/we dat euentur staen vor er ordel wes em dar van kame(n) mochte / Dit hebb(e)n de vorbenomde(n) p(er)sone(n) alzo her Nicola(us) clepper vor sick sulue(n) vnd(e) / fruwe margareta durch eren volmechtiger tomas molners van bey-/den delen vorgeheidem dinge alzo verjaet [?] vnd(e) vorleuet vnd(e) js mech-/tich gedelet Actu(m) feria q(uar)ta an thome ap(osto)l(orum) xix decembre anno xcviij