Anna matcz scharven steyns nagelaten husf(ruve) yn vormu(n)tscop hans ha-/fen heft vor geheidem dinge bekant dat sze schuldich is yn alle ere / boredisten goder bewegelick vnd(e) vnbeweg(elick) vor alle man erst hans / schoneggen ij C m(ar)g geringe vnd(e) de vorgesc(reuenen) ij C m(ar)g sullen ge / fallen na erem dode vt alle eren beredesten godern der betalinge nerne / leddich noch losz to laten denne vor geheidem dinge actu(m) feria qui(n)ta / an thome ap(osto)l(orum) xx decenbre anno xcviij p(er) schulteto bonholt test(es) / her dirck Kost (et) her vrban vlrich

Anna matcz scharvenstey(n)s nagelaten husf(ruv)e yn vormu(n)tscop hannes / hase heft er testame(n)t vnd(e) letzten willen bescheden vnd(e) gesettet / by goder vornu(n)ft vnd(e) mit wolbedochtem mode vnd(e) wil dat na ere(m) / dode szo geholden hebben Jnt aller erste heft sze bescheyden vnde / gegeue(n) j m(ar)g geringe to wege vnd(e) to stege Na der Stat wilkare / de gerede beuallen is vorbat szo bescheydet vnd(e) gift de vorgesc(reuene) / anna yn vormu(n)tscap vorsc(reuen) vt alle eren boredesten godern bewegl(ick) / vnd(e) vnbewegl(ick) den verden penni(n)ck yn gades ere wor dat de / testame(n)tarie(n) de dar to gekaren werden seen war dat bequeme vn(de) / van noden wert syn to geuen de verde penni(n)ck js mechtich gedelet / Actu(m) vt supra