Vor allenn vnnd Jslikenn wes standes effte werdicheit de sten de dessenn vnsenn Breff sehen edder horenn leszen / vnszen gnedigenn h(e)renn vnnd gunstigen guden vrunden Bekenne(n) wy Borgermeyster vnnd Radthmann der Stadt / Dantzick Nah vnser gutwilligen denste vnnd fruntlik(en) grotes erbedinghe begerende witlick tho stende woh vor / vnns in Sittendem Rade de Ersame wyese vnnd forsichtige herrn hinrick valke Borgermeister George / Mandt Radthmann Cristoffer beyer Renoldt Vchstede Schepenn Luͤdke wispendorp Berndt krogher borgere vnsz(er) / stadt vorbenom(ede) Zaventlick yn der besten forme(n) wege vnnd wyede so der sulden vnnd van Recht will vnichten [?] vul / mechtich gemaket hebben den Ersamen vnnd wyezen h(e)renn Mathias Tymmerma(n) vnses Rades medecompann / deser thoger dat Schipp dat hans Crossen bet mi tor tidt vnnd nach foeret von allen den Jenne(n) de idt belanget effte by / wenn id befunden mach werden tho fordernde vnnd tho achterfolgende emphangende durch fruntschopp offte Recht Ede / thomeinende vnnd thouorlatende van den entfangnen tho quitterende Eruen effte nichrander [?] vorden thomechtigende / zo geuake em sulk wordt sten van noden de macht wedderthoropen vnnd sust gemeinlick alle ding vnnd vullenkome(n) / Rechtgang dar by vnde mede vulmechtich to doende vnnd tolatende gelick de genomeden mechtigere doen vnnd latenn / mochten Zo sve personlich yegenwerdich weren vnnd vor oghen Belauende darsulue stede vnnd vnuorseret tho holdenn / yn allen tokomenden tiden . Hirvmb alle vnnd Jslike vnse guedygen h(e)renn vnnd vruͮnde mit iegenwardvghen ange/louet denstlick vnnd fruntlick bidden deme bouenschr(euen) h(e)renn Mathias Zo gemechtigeden efte wenne hee fordan sub [?] / sueren [?] wurde gunstich forderlick vnnd bystendich willet erschreue(n) dar mede hee Zodan vorberort Schipp tho profidth / vnd vhramen szener mechtiger erfordern bekanne(n) vnd entphangen moghe vorschulden wy vm(m)e ieweliken nah geboer / denstlick vnnd fruntlick Jn orkunde der worheit hebben dessem vnsem breue vnser Stadt Secret beneddene latebn vpp/drucken vorsegelt vnnd geue(n) Jm veertheinhundersten Negenvndnegetichsten Jahre Jm andern daghe In Maye