Hans hasse vnd(e) borsten voxdorp vorstender sunte olofft Broderschaft / hebben betuget mit twen beseten borger(e)n alzo ask eyn recht is dat / sze eren tynsz to der broderschop beste baue(n)gesc(reuen) gemanet hebben / vp cleysz vlenefeldes erue gelegen yn der pittirczilligen gassen alz / viij m(ar)g viij s(chilling) geringe vp eren rechten dach alz vp martini vor-/gangen vnd(e) enn(en) is gedelet de lichter zal en helpen wat recht / is Actu(m) vt s(upra) /
Her Greger brant heft betuget mit twen boseten borger(e)n szo alz en / recht is dat he synen tynsz cop Elizabet her johan scheueke(n) Na-/gelaten husf(ruve) erue gelegen yn der brotbencken gassen viij m(ar)gk / geri(n)ge gemanet heft vp synen rechten dach alz vp wynachtenn / vorgangen vnd(e) em is gedelet de richter zal em helpen wat recht / is actu(m) vt supra /
Her Greger Brant heft betuget myt twen gesetten borger(e)n alzo alz / eyn recht is dat he yn vormu(n)tscop pauͮel ercken syne(n) tynsz vp / Elizabet her johan schencke(n) Nagelaten husr(ruve) eruͮe gelegen yn / dem olden rasz alz viij m(ar)g geringe gmanet heft vp synen / rechten dach alz vp wynachten vorgange(n) vnd(e) em is gedelet / de richter zal em helpen wat recht isz actu(m) vt supra /
Roloff van sunder(e)n heft gestande(n) vorgeheidem dinge vnd(e) heft betuget / mit twen boseten borger(e)n alzo alz eyn recht is dat he dat pant / vp hundert m(ar)g geringe hans glottawen tu hus vnd(e) to hauͮe / gebaden heft vnd(e) em is gedelet he mach dat pant vorpe(n)nighen / vnd(e) vorkopen vnd(e) irhalen sick synes gelaes js dat pant nicht / szo got szo zal em de richter helpen dat is vorgodet wert actum / feria qu(ar)ta an anthoni xvj januarij anno xcix /
Clawes van ensz yn der macht tydema(n) byge(n) heft gestande(n) vorgeheide(m) / dinge vnd(e) heft betuget mit geheidem dinge vnd(e) mit des vnder richte(re)s / boeke dat he to burgerdinge twye na dem erstenn heft laden laten gert / frimdenberge alzo alz eyn recht is vmb liiij m(ar)g geringe vnd(e) de / vorgesc(reuene) Gert heft de vorgesc(reuenen) clawes yn der macht vorsc(reuen) / de sake der vorsc(reuenen) liiij m(ar)g geringe gewonne [?] to dem vorsc(reuenen) gert / bet vp syne hulpe rede vn(de) dar to is em gedelet xiiij dage actu(m) vt s(upra) /