In deme iare von godes gebort ouer Dusent iar . vn(de) ouer Drihundert / iar . vn(de) achte iar . Jn deme negeden iare . in deme twelften . Bi biscop / Borchardes tyden von Scraplo . vn(de) bi des Borchgreuen tiden des / hertogen Rodolfes von sassen . vn(de) bi des scultheiten tiden . Heẏde(n)/rikes von Ruschenberch . Do worden vnse herren de schepen von / Halle de do waren des to rade . dat se wolden laten bescrifen alle / de gaue de vor gerichte vn(de) vor den schepenen ge geuen worden . / der stat gemeyne armen vn(de) riken to eren vn(de) to vromen . vnde to / nut . Do disse scrift uz ge geleghet wart . do waren an deme / schepen ammechte bi namen . Her hinric boydin . her Johan(n)es / lewig . her Rodeger de swarte . her wernere woẏt . her h(er)man de / lange . her Johan(n)es winman . her hinric von kotene . her ker/stan hern arnoldes . her Johannes von vriberch . her Nẏcolaus mo/solf . her hinric von northusen . Sie sin leuending oder dor got / helpe en vz aller not Amen .