IMme Namen Ghotes ame(n) Wie burchad von der gnade ghotes Ercebiscop Wie Geuehard von / der selben gnade Tuͦmprobest Wie heydenrich Techen vnde daz capitel gemeyne des gotis/huͦses zuͦ megdebuͦrg alle den di dissen brif gesen oder horen heyl vn(de) selde in ghote ewichliche Dye / dink die ewige macht habe suͦllen daz ist noyt daz man die westene mit bezuͦginge warhaftiger Ingesegele / vn(de) briue Hir vmme bekenne wie des offenliche an disseme ghegenwerdighen briue = daz wie mit gance(m) / willen vnde mit eytrethigeme rathe vorkouft haben vnsen getruͦwen buͦrgeren von halle vnsen werder die da / buͦssen was ghenant hinder den schern vmme anderhalphundert marc steydalisches silberes mit alleme rechte / also he vnses gotehuses was vnde eygen den selben werder den buͦrge(re)n vnde der stat zuͦ halle ewicliche / vf ein orkunde disses koufes vn(de) disser eygenschaft daz die stede vnde suͦnder bruͦch von vns vnde von / vnsen nakomelingen gehalden werde so habe wie vorgenante burchard Ercebischop vnde wie Geuehart / Tuͦmp(ro)best vnde das capitel gemeyne dissen brif gescreben lazen vnde bestetiget mit vnseme Ingesegele / vnde vnses capiteles Ingesegele Disser dinge sint gezuͦge di Edele herre herbburchart die Eldere von / scrappolowe her conrad probest zuͦ sente mariens bin(n)en der stad zuͦ halle her gander pvne ¹ ritter / herman lange koppe Ghyseke Johannes gereke hildebrand keseling burge(re) zuͦ halle vnde anderer / getruwet luͦthe gnvͦc Disse dink sint geschen vnde disse brif ist gegeben na Gotes gebort / ober thuͦsent Iar druͦhundert Iar indeme druͦvndezwenzigesten Iare andeme heren tage se(n)te Jacobs /