Wie Buͦrchard von der gnade godes greue tuͦ mansveld Buͦsse / vn(de) Gheuehard vnse sone , bekenne(n) alle den die dissen ghege(n)w(er)digen / brif sien oder horen oppenlicke(n) tuͦ be tuͦgende , dat wie den erbaren / luͦden den scheppen , vn(de) den Ratma(n)nen vn(de) den andere(n) buͦrgheren / gemeine in der stat tuͦ halle hebben gesat dat Huͦs tuͦ gheueke(n)stin / vor eylf huͦndert marc brandebuͦrsches siluer mede ¹ alsodaner / vnderschit , dat wie dat selue Huͦs schollen losen vor dat selue ghelt / also hir vorbescreuen stet , tuͦ deme twelften die n tuͦ kuͦmet vord ouer / ein jar , Dede wie des nicht so scholde wie en dat selue Huͦs mit deme / dat der tuͦ hort antwerden in ore ledegen were , gie scholle(n) auer vns / dat wis maken , swen wie en er ghelt weder ghieue(n) so scholden sie / vns dat huͦs weder antwerden mit alle deme dat der tuͦ hort , Were / ock dat sie pe(n)ni(n)ghe bedorften , so muͦsten sie dat huͦs wol vorsetten / sweme sie wolden , die schal vns des wis maken [...]² wan vns dat / Huͦs weder dede tuͦ losene vm alsodan gelt alset [...]² is , Wer auer dat den vorbenuͦmeden buͦrgh(er)en not were so mogen sie sick erwere(n) / von deme huͦs vor aller malkeme an vnsen h(er)ren den bischop von Mer/sebuͦrch , wir auer dat en die voget von deme selue(n) Huͦs swie de(n)ne / wiere en nicht behagede so scholde wie en mit oreme rade einen / anderen setten , vn(de) swie dar voget were die schal dat weder sie / reden dat he en dat Huͦs antwerde af wie is nicht enlosen vp die / vorghenante(n) tyt , Were ock dat dat huͦs vorloren wuͦrde des ghot / nicht welle , die wilet die burgh(er)e in orer hant hedden , so scholle / wie en be hulpeth wesen also langhe went wie mit in dat huͦs weder / bekreftegeden , were ock dat an deme Huͦs des buͦwes etwat tuͦviele / dat beteringe bedorfte , swat sie dar an legghen dat sie bewise(n) moge(n) / dat schollen sie vp dat Huͦs slan , vp ein orkuͦnde disser dinge so / hebbe wie mit vnser sone willen vnse Jnghesegele an dissen brif / ghehangen Disse brif is ge gheuen na goddes gebort ouer duͦsent / jar druhuͦndert iar in deme souenvntwintegesten jare an sente / mathieses daghe des heilegen Apostelen ,