Wie Marquard von der gnade goddis prouest . . Joh(ann)es prior vn(de) / die conue(n)t gemeine der regelere des goddishus Sente mauricius / tuͦ halle . . Be kenne(n) openlike(n) an disseme ieghenwerdigen brive . . Dat wie / vns mit den buͦrg(er)en vn(de) der stat gemeine tuͦ Halle vm(m)e den krich , die / twische(n) on vn(de) vns vmme ore buͦrgh(er)e hanse guͦt iare vn(de) Merten smede , / wente her tuͦ geweset is . vruͦntliken be richtet hebben vn(de) ge suͦnet .. Also dat / hans gut iares hus mit einer halue(n) m(a)rc thinses , die hie vns von deme huse / gheue(n) schal , vnses goddis huses sin vn(de) bliuen scal , ewichliken , ane allerleige / hindernisse , vn(de) wie scollen ome dat hus ligen tuͦ eime rechte(n) erue , Des hebbe / wie , vn(de) vnse vorgnante goddishus , tuͦ weder stadinghe disser vorgna(n)te(n) dinghe , / ge gheue(n) eine halue m(a)rc gheldes , tuͦ geluͦchte der capellen tuͦ deme hilge(n) graue / die hebbe wie bewiset , an hermen ameke(n) huͦs , vor sente Vlrikes kerchoue , / die man alle iar vo(n) deme hus vp neme(n) scal , tuͦ deme vorgena(n)te geluͦchte , Ok / hebbe wie gelouet Dat die stede , vn(de) dat blek , dat der lit twische(n) hans guͦt/iares hus vn(de) deme hilge(n) graue , vn(de) sente Johanses capellen , die scal ledich vn(de) / vri sten , also dat wie noch vnse goddis huͦs , noch die stat , die stede nicht vor/buͦwen schollen Vorbat mer so hebbe wie gelouet , dat , dat hus , dar merte(n) / smet inne wonet vor deme galch dore ¹ , der stat eigen bliue(n) scal , an allerleige hindernisse vn(de) ansprake , / vnses goddishuses , Vp em openbar orkunde disser dinghe , dat die stede vn(de) / ghantz gehalden werden so hebbe wie² vorgnante prouest vnse , vn(de) vnses co(n)ue(n)/tes inghesegele , an dissesn brif , ge hanghen , Na goddis gebort dusent iar druͦ/huͦndert iar in deme achtvndrittegesten iare , in sente Gallen daghe , /