Wie Johans p[ro]uincial . . Ludolf priol . . vn(de) die Conue(n)t ghemeine der / Marien bruͦdere vor deme galch dore der stat tuͦ halle . . Bekenne(n) ope(n)liken / an disseme ieghenw(er)digen brieue. . Dat wie mit willen vn(de) vulbort vnses vorgna(n)te(n) / Couentes . von vnser ghantze(n) proui(n)cien weghen guͦtliken vn(de) redelicke(n) vor thege(n) / hebben der stede alte male vor deme ghalch dore , dar vnse goddishus vp gebuwet was / Die ok vor der stat eigen was . vn(de) gheue(n) die weder den buͦrge(re)n / vn(de) der stat tuͦ halle =/ ane allerleige be wuͦrue thuͦcht vn(de) hindernisse also dat sie on die maken schollen so sie aller / nuͦttest konne(n) vn(de) moghen . . Wir ok dat on vo(n) der gna(n)ten stede weghen . die wie on rechte / vn(de) redelicken ge gheue(n) hebben . ienich bewuͦrre(n) sake , oder hindernisse , weder vuͦre , des got / nicht en wille , des scolle wie die stat vntwerre(n) vp vnse eigene(n) kost vn(de) pen(n)i(n)ghe , ane allerleige / vortoch vn(de) hindernisse . . Des hebben die vrome(n) buͦrg(er)e tuͦ halle algemeine , tuͦ werdicheit vn(de) / tuͦ loue der muͦder marien . vns be gnadiget , vn(de) willechlike(n) ge ghuͦnt , dat wie schollen buͦwen / in orer stat ein closter vp der stede die itzwenne hagedornes was , deme got gnedich si . . / Die stede scolle wie alsus buwen , dat vmme dat gebuͦwe vnses closters em vri vn(de) em geruͦme / waghen wech ghen schal. den wech scolle wie noch niemant vorbuͦwen , Ok wille kore wie , dat / wie buͦten deme vorgnante(n) waghe(n) weghe , die vm(m)e vnse closter al vmme vn(de) vmme ghen schal nichein / guͦt mer binne(n) der stat tuͦ halle hebben schollen . bi name(n) almares hof die in disseme wagen weghe / begrepen is . dat die vnse num(m)er w(er)den schal , Wir ok dat vns ienich gut gegheue(n) wuͦrde / durch got , dat in der stat ligge , et wiere lenghut , eigen , oder erue , dat scolle wie vor kope(n) / bi den nesten viere weken . vn(de) scollen des nicht behalden . Vorbat mer willekore wie , wiere / dat die buͦrgh(er)e tuͦ halle icht ane vuͦchter vo(n) geistlicker gewalt vmme die sake dat sie vns ghe / ghuͦnt hebben tuͦ buͦwen ein closter in orer stat . des scholle wie sie vntwerre(n) vn(de) ane nemen / vp vnses selues kost vn(de) penni(n)ghe . Vp ein openbar orkunde disser dinghe dat die von vns / stede vn(de) ghantz ewichlicke(n) ge halden werden . so hebbe wie vorgnante Johans proui(n)cial =/ vnser p(ro)ui(n)cien ingesegele , vn(de) wie vorbescreuene , Ludolf vnses coue(n)tes ingesegele an dissen . / brif ge hange(n) Na goddis gebort dusent iar druͦhundert iar indeme neghenvndrittegeste(n) / iare in deme heren . pinghest auende . . /