Wie Johans pr(ovi)ncial , Ludolf priol , vn(de) die Co(n)uent ghe meine / der marien bruͦde(re) vor deme ghalch dore d(er) stat tuͦ Halle , beken/nen . ope(n)licken , an disseme ieghenw(er)digen briue , dat wie mit der stat / ge dedinget hebben , dat sie scollen kopen eine m(a)rc gheldens gudes / die in orer stat ge leghen si die scholle wie vn(de) vnse vorgna(n)te co(n)ue(n)t / ghelden mit vnsen penni(n)ghen , vor dat schot dat sie plagen tuͦ nemene / von der stede die Hagedornes was , dar nuͦ vnse closter vp ge buͦwet / werden schal vn(de) tuͦ buͦwene is be ghunt , Vnde die wyle wie der marc / gheldes der stat nicht krige(n) noch ir werue(n) so scholle wie alle iar , der / stat eine m(a)rc tuͦ schote gheue(n) , Vp ein openbar orkunde disser dinghe / so hebbe wie Johans p(ro)ui(n)cial , vn(de) wie , Rudolf p(ri)or vnse inghesegele andissen / brif ge hange(n) , na goddis gebort Dusent iar druhu(n)dert iar in deme neghe(n)/vndritteghesten iare , in deme heren pinghest auende /