In deme name(n) godis Amen . Wie .. Ratman(n)e .. die meistere .. die von dem Ber/ghe .. die vo(n) deme Dale vn(de) .. die buͦrg(er)e gemeine tuͦ Halle .. alle den die / die dissen iege(n)w(er)dige(n) brif sien oder horen , heil indeme , die ein milde weder / gheuere is aller guͦder werke .. Die dingh , die vnvorghe(n)gelik bliue(n) muͦten , / vn/de) ewige macht vn(de) kraft hebbe(n) scolen , des is not , dat man / die bevestene vn(de) / bestedige mid opene(n) Hantvesten vn(de) briue(n) . Hir vm(m)e so duͦ wetlik vn(de) ku(n)t / alle de(n) ieghe(n)w(er)dige(n) , vn(de) die noch tuͦku(n)ftich sin , Dat vnse buͦrg(er)e gemeine eines / godelike(n) werkes beguͦnt hebbe(n) tuͦ troste vn(de) tuͦ eime ewige(n) sielgerede beide der / leue(n)den vn(de) der doden , Durch disser gnade willen so hebbe wie gebuwet ein / Hus bi sente Nicolaus Dore dat scal sin ein herberghe aller ¹ arme(n) lude , die siek vn(de) / kranck sin , die siek selue(n) nicht behelpe(n) moge(n) , vn(de) ouk alle der arme(n) lude , die vppe / kerchoue(n) , / oder inden gazze(n) liggen vn(de) welc notdorftich sieke , in dat Hus nicht / wolde , die scal in der stat nicht bliue(n) , Dit selue Hus scal ouk sin ein herberghe / allen kra(n)ke(n) enelende(n) lude(n) die notdorftich sin Ok scal indeme Huse nichein / Priester noch niemant / gewalt hebbe(n) sunder die scheffere od(er) die vormu(n)de des Huses dievo(n) / vnser stat weghene dar tuͦ gesat vn(de) ghe koren vn(de) die scheffer des selue(n) Huses sal / dar bi bliuen die wile id deme rade behegelik is , Ok scal niemant Prouende kope(n) / in deme selue(n) Huse , oder vorkope(n) vt deme Huse , siek en scal ok niemant tuͦ deme vorg(e)na(n)te(n) / Huse halde(n) in der wise , dat he sines selues nuͦt eder vrome(n) dar inne werue(n) od(er) scheppe(n) / wille sunder alleine die arme(n) vn(de) die sieke(n) lude in der wise alse hir vorbescreue(n) stet / Auer dienst knechte vn(de) dienst meide moghe(n) or lon wol dar inne vor diene(n) Wolde ok / iemant duͦrch got vn(de) duͦrch die werc der barmeherticheit wat eigenes oder ghelde(n)s / guͦdes indat vorg(e)na(n)te Hus geue(n) , dat mach hie wol duͦn , dar ane / bricket hie nicht / weder vnser stat willekore hie en daruet ok nicht vorboͤten , Vp ein ope(n)bar orku(n)de / vn(de) eine ewige vestenu(n)ge alle disser vorbescreuene(n) dinge , dat die sunder brok stede vn(de) / ghantz ewichlicke(n) gehalden werden so hebbe wie vnser stat ingesegele an dissen / brif gehange(n) Na godis gebort Dusent iar druhundert iar indeme einvn(de)viertegeste(n) / jare in vnser vruwe(n) Auende Wuͦrtmissen