Wie sesvndrittich Ratman(n)e tuͦ Halle . . Bekenne(n) ope(n)licken / an disseme ieghe(n)w(er)dige(n) briue . . Dat wie Hince(n) vo(n) vriberch / vn(de) H(er)manne sine(n) vedde(re)n vntschieden hebben alse hir na bescre/uen stet , Dat sie scollen beide er gut vntphan mit samder hant / dat irste dat sie dat mit den herre(n) konne(n) ouerbringe(n) vn(de) swat / dat koste(n) scal , dat scollen sie beide gelden , Ok scal or nichein / den andere(n) hindere(n) an sime gude des hie bedarf tu latene duͦrch / siner not willen , Wolde auer or ichein dem andere(n) sin guͦt vntverne(n) / oder laten duͦrch hates willen , des scal nicht sin , Wolde , ok / iemant geue(n) eine(n) panne(n) oder twuͦ , durch vnsen H(er)ren got , des / scal or nichein deme andere(n) weren , Vp ein openbar orku(n)de / disser vorgnante(n) vntschiedu(n)ge , dat die von on beiden stede vn(de) / ghantz gehalden werde , So hebbe wie vorbescreuene(n) sesvndrittich / Ratmanne vnser stat Ingesegel . an dissen brif gehange(n) , Na / goddis gebort duͦsent iar , druͦhu(n)dert iar , in deme viervn(de)virte/gesten iare , in sente Gherdrude daghe der hilge(n) Ju(n)cvruͦwen .. ,