Wie Ratmanne vnde buͦrgere tuͦ halle bekennen openlicken in disseme ieghenwerdegen brieue , Dat die Edelen herren her Borchard Greue tuͦ / Mansuelt .. vn(de) her Borchard von Scraplowe herre tuͦ Wettin , mit vns gededinget hebben vn(de) ore openen brieue besegelet hebben mit oren vn(de) ore kinde(re) jnghesegelen / vns dar ouer gegheuen hebben / dat die vorgnanten herren vn(de) ore kindere , vnde alle ore nakomelinge , vnsen buͦrgeren die ore man sin oder noch w(er)den / mogen scollen ligen guͦt in samder hant bruͦderen , vn(de) bruͦderen kinderen , vedderen vnde vedderen kinderen , vn(de) weme sie guͦt in samder hant / ligen oder gelegen hebben deme scollen sie eine samde hant halden , Wier dat sie siek , wol svnder den mit dem brode , so scollen sie on ore samde hant / nicht breken svnder ore guͦt , scal steruen , von eime vp den anderen , Wier ok dat siek iemant , tuͦ deme guͦde tuͦckede , die besibbe tuͦ deme guͦde / wiere alse hir vorbescreuen is , Deme id vor nicht legen wiere die scolde on geuen tuͦ liuͦnghe , von der pannen , in deme Diͦtzschen bornen eine / halue marc , vnde von der pannen , in den anderen bornen , alset siek geboret , so scollen sie od ome ligen , Wiere ok , dat sie iemande , wat tuͦ tuͦsprekene / hedden vmme guͦt in deme Dale so sollen sie komen , vor , dat gerichte , dat tuͦ deme dale hort in der stat tuͦ Halle , vn(de) scollen dat guͦt dar / winnen oder vorliesen , alse dales recht is , Ghinge der buͦrgere tuͦ halle ienich af , die ore man wiere , oder noch werden mochte , des kinderen , vnde / eruen scollen sie ore guͦt ligen , ane gaue , vnde ane hindernisse , Wolde ok orer vorgnanten man , ienich siner husvruͦwen , guͦt ligen laten / tuͦ orme liue , dat scollen sie ok den vruͦwen ligen , ane gaue , Ghinge ok orer manne ienich in der stat af , des kindere vnmuͦndich wieren / der vormuͦndeschap , scollen sie siek nicht ane tuͦcken , Wiere ok orer manne ienich , die nicheine eruen hedde , vnde die sin guͦt duͦrch not / laten muͦste , dat scollen sie ligen , auer die not scolde die man biwisen , vor deme Rade tuͦ Halle , mit twey bederuen man(n)en tuͦ den / hilgen , also dat is die Rat gelouede , Dat scollen die vorgnanten herren , vort gelouen deme rade , vn(de) scollen vͦp ore wuͦrt , dat guͦt ligen / Wuͦrde on ok wat guͦdes los , vnde wolden sie dat guͦt behalden , also dat sie is ¹ nicht vorkoften , noch vorlegen , so scolden sie dat guͦt behalden / mit sodame , rechte , alset die hadde , des dat selue guͦt vore was , Wolde(n) sie ok or vorlegene guͦt , vor kopen oder laten , so scollen sie dat guͦt / vorkopen , herren die ore geliken sin , oder hogeren , vn(de) scollen vorgnanten man nicht nederen , Vnde sweme sie , dat guͦt laten , die schal den / buͦrgeren , die seluen brieue halden , die sie on ge gheuen hebben , Ok hebben sie gededinget mit vnsen buͦrgeren , wie eine pannen kost in / deme Duͦtzschen bornen , die von on tuͦ lene ghet , die scal on geuen , eine halue mark , alse tuͦ halle weringhe is , vnde von der pannen in / der Metriten einen haluen vierdingh von der pannen in deme Hakebornen ein lot , von der pannen in deme windeschen bornen / ein half lot , Disser dinghe sint Thuge , vnses herren sone von Mansuelt her Albrecht Duͦmherre tuͦ merseborch .. her Hinrik von / Naumeborch . . her Bertold von Gozerstede .. riddere .. Thilo von Welpfleue .. vnde anderer vromer luͦde genuͦch , Vp ein openbar or/kuͦnde disser dinghe , dat die stede , vn(de) ghantz , von on , vn(de) von oren kinderen , vn(de) von alle oren nakomelingen , ewiclicken gehalden w(er)den / so hebben die vorgnanten herren .. her Borch(ard) Greue tuͦ Mansuelt . . vn(de) her Borch(ard) von Scraplowe herre tuͦ Wettin / ore jngesegele an oren brief gehangen . Ok bekennen .. Greue synert .. vn(de) Greue Otke von Mansuelt .. vnde her Borch(ard) von Scraplowe die Juͦnghe / dat alle disse vorbescreuenen dingh / mit oren willen vnde vuͦlbort geschin sin / vn(de) die willen sie mit oren vorgnanten vederen / vnsen buͦrgeren von halle stede vn(de) ghantz halden / Dat bethuͦgen sie mit ores selues Jngesegelen / die sie an den vorgnanten brief hebben gehangen Vp ein openbar bekentnisse vn(de) bethginge / alle disser vorbescreuenen dinghe / dat vns die wetlic sin / von wrden / tuͦ wuͦrden / alse hir vorbescreuen stet / des wie hebben / opene brieue / der vorgna(n)ten herren so hebbe wie Ratmannevnser stat Jngesegel / an dissen iegenwerdigen brief gehangen Na goddis gebort .. Dusent iar .. Druͦhuͦndert iar / in deme vifvndeviertegesten iare / Jn deme hilgen pinghest auende /