Wie Ratman(n)e vn(de) der Innu(n)ge meiste(re) tuͦ Halle .. Bekenne(n) ope(n)licke(n) an disseme / iege(n)w(er)dige briue . . dat alle die krich vn(de) schelinge die geweset is twische(n) h(err)n / hen(n)i(n)ge vom(m)e stenvorde vn(de) sophien siner moddere einvnthalp , vn(de) heiderike / scultere(n) deme got gnedich si vn(de) sinen kinde(re)n anderthalp vru(n)tlicke(n) is be / richtet vn(de) ge suͦnet , also dat dat vo(n) on beidentsiden , num(m)er mer mit / arge vp gerucket scal werde(n) Sie enschollen ok beidentside(n) nymande / hie si pape oder leige , dar vm(m)e vordenken oder hinde(re)n ienigerleige wis , / sunder die sake schal slechtes dot sin , mit alle den , die mit der sake / be grepe(n) ware(n) Des hebbe(n) des scultete(n) kinde(re) , vppe disse vru(n)tlicke(n) / suͦne , gelege(n) h(er)n Henni(n)ge twey hundert schok , vn(de) thein schok , croschen , / die on h(ern) Hen(n)i(n)igh wol vor wisset het vn(de) vor buͦrget , Vppe ein ope(n)bar / orkunde diesser dinge so hebbe wie vorbescreuene(n) Ratman(n)e vnser / stat Jngesegele an dissen brif gehang(e)t , Vn(de) wie h(erre)n hen(n)i(n)gh vom(m)e / stenvorde . . Jk h(er)man scultere , Bule vn(de) busse , bruͦde(re) heyd(erike) sculteren / sone , beken(n)e(n) dat wie disse vorbescreuene(n) suͦne , stede vn(de) ghantz halde(n) / scolle(n) vn(de) willen . . dat bethuge wie h(erre) Hen(n)i(n)gh , mit vnseme Jngesegele , vn(de) / ik h(er)man schultere vor mik vn(de) mine bruͦde(re) mit mime Jngesegele , des sie mit / mie gebruke(n) , die wie beidentside(n) an disse(n) brif mit der stat Jngesegele , tuͦ / Halle , hebbe(n) an disse(n) brif ¹ gehange(t) Na goddis gebort dusent iar druhu(n)dert in deme / veftegeste(n) iare , des donrestages vor mitvaste(n) , dat is vor Letare , /