We zeghebant Ludolf vnde bertold brode(re) gheheten knif . beken(n)et openba(r)e vor alle den de dessen / bref sen eder lesen horet . Dat we mid vulbord vser rechten eruen de we nu hebbet eder vs noch / werden moghet . Hebbet vorkoft woltere van Otbernshusen vn(de) sinen rechten eruen de nu sin eder / noch komen moghen . de vischerige half in dem watere twischen dem lorleberghe vnde dem nẏ/gen werke . vortmer we vorbenomden brodere hebbet vorkoft dem suluen wolte(re) . allet dat we / hadden an eneme hus in dem dorpe to Otbernshusen dar inne wonet hadde Hen(n)eke voltmers / beyde dat tẏmber vnde dat stucke landes dar dat hus vppe steẏt . Dat desse vorsprokene kop / van vs vn(de) van vsen eruen stede gheholden werde vn(de) vnghebroken so hebbe we dessen bref bese/ghelet mid vsen ingheseghelen . De dar to ghehenghet sin na der bord goddes Dritteẏnhu(n)dert / jar jn deme dre vnde vifteghesten jare jn alle goddes hilghen auende /