We zeghebant Ludolf vnde bertold brode(re) gheheten knif . beken(n)et openba(r)e vor alle den de dessen / bref sen eder lesen horet . Dat we mid vulbord vser rechten eruen de we nu hebbet eder vs noch / werden moghet . Hebbet vorkoft wernere van Otbernshusen vn(de) sinen rechten eruen de nu sin ed(er) / noch komen moghen . de vischerige half in dem watere twischen dem lorleberghe vnde dem / nẏgen werke . vortmer we vorebenomden brodere hebbet vorkoft dem suluen wernere de vis/cherige al de we hadden in den riden de dar hetet to den berkolken . vppe dat desse vorsproke/ne kop van vs vnde van vsen eruen stede gheholden werde vnde vnghebroken so hebbe we des/sen bref beseghelet mid vsen ingheseghelen De dar to ghehe(n)ghet sin na der bord goddes drit/teẏnhu(n)dert jar jn deme dre vnde vifteghesten jare jn alle goddes hilghen auende /