Ek her kord vam deme bernebroke riddere siuert sin sone knecht bekennet / openbare in desseme ieghenwardighen breue beseghelet mid vsen ingheseghelen / Dat wi hebbet mid vulbort vser rechten eruen de wi hebbet vnde noch werden / moghet vorkoft Wernere van Olbernshusen vnde sinen rechten eruen twe houe / to Dreuere enbuten vnde enbinnen deme dorpe mid tegheden , vnde mid tẏnse , / vnde mid alleme rechte vnde an holte vn(de) an velde also wi se hadden , scuͮllet vnde willet des gudes eyn recht werend wesen wor se des bedoruen , Ok bekenne ek / her henrich en prester(e) hern kordes sone vnder mines vaders ingheseghele vorebe=/screuen Dat desse kov mid mineme willen gheschen is , enscal vnde enwille an de=/me gude Wernere vorebenompt vnde sine rechten eruen nicht hinderen , Ok be=/kenne ek Diderik van bodmere des olden Diderikes sone knape dat ek dessen / voresprokenen kov hebbe deghedinghet vnde dar ouer wesen vnde betvghe dat / mid mineme ingheseghele Desse bref is ghegheuen na godes bord Drittey(n)hun=/dert iar in deme vif vnde veftighesten iare in deme hilghen daghe to pinkesten /