In deme namen goddes amen , Alle ding dẏe dar werden in der tijd , alden vnd vorghen mẏd der tijd / vnd durch dat raden dẏe wẏsen luͤde , dat dẏe ding , dẏe ewẏge macht hebben scolen , mẏd warhaftige(n) / ẏngesegelen vnd brieuen ge ewẏgent werden vnd beuestent , Hir von is , dat wie .. Ratman(n)e vnd .. / Meẏstere der ẏnnu(n)gen tuͦ Halle bekennen openbare allen den , den disse brief gewẏset wert oder gelesen / Dat Heẏse Baldewẏn vnse lieue Burger(e) mẏd sẏnen vruͤnden vor vns quam vnd bat vns mẏd / hogem vlẏte , Dat wie oͤme ghvͤnnen vnd irloͤuen welden ses mark geldes tuͦ leggene von sẏnem / eẏghene tuͦ der Capellen , dẏe he tuͦ eẏneme heẏlsam(m)en troste sẏner vnd alle sẏner Elderen siele in sẏnem / Houe het gebuwet , vnd in sente Mathẏes des hilgen apostels ere gewẏget laten , Hirvm(m)e hebbe wie sẏne / redeliken bede angeseen , vnd hebben oͤme mẏd vnsir allir eẏndrechtigeme rade willen vnd vulborde / durch eẏne merunge goͤtlikes dẏenstes ghvͤnstliken irloͤuet vnd irlouen in dissem brieue dẏe seluen / Capellen tuͦ bewedemene mẏd der vorbenanten guͤlde , Vnd wen Heẏse dẏe vorbenoͤmede vns dissen / sẏnen beden willich vnd genegich ¹ het gevunden , des het he dẏe leen der seluen Capellen in vnse vnd vnser stat hant willichliken ge geuen mẏd dissem vndirschiede , dat wie na sẏnem dode der / vorbenomeden Capelle rechte vnd echte Leenherr(e)n eweliken scolen wesen , alzo doch , wan(n)e vnd / wu dicke dẏe selue Capelle von vplatunge oder von dodes weghen des vorstenders der vorge=/schreuenen Capellen ledich wert na Heẏse dode des vorgenanten , vor wene den(n)e dẏe eldeste / sẏner Eruen biddet , deme scole wie dẏe Capellen lẏen luͤtterliken durch got vnd ane wedirsprake / Ouer dat he vns dẏe vorgenante Heẏse , dẏe vorbenomeden guͤlde mẏd deme huse dat an der seluen / Capellen is gebuwet , vor gehegeder Banck begẏftiget laten vnd beghauet , alzo , dat wie dẏe / seluen guͤlde mẏd deme huse hern Conr(rad) von gerwitz deme nu dẏe Capelle is geleghen , vnd / eẏnem ẏstliken sẏner Nauoͤlgere sunder allerleige hinder scolen volgen laten , were auer , dat / wie vnd vnse stat eẏnes schotes bedoͤrfen , wan(n)e vnd wu dicke wie geboͤden dat schot tuͦ / gheuene so scolde her Conr(rad) dẏe vorgenante dẏe vor geschreuenen guͤlde vorschoten vnd andere / plicht dar von duͦn alze sick dat geboͤrde , Ouk scole wie na Heẏsen dode des vorgenanten , dat / guͦt dar von man dẏe selue gulde gẏft , lẏen wan des not is , Auer dẏe lẏunge dẏe vns dar von geualle(n) / scolde , scole wie deme dẏe denne der seluen Capellen vorstender(e) is , gheuen laten , Vnd dat alle / disse vorbeschreuene rede gantz stede vnd sunder brok eweliken gehalden werden , des hebbe wie / Heẏsen deme dickegenanten dissen brief mẏd vnser stat angehangenen ẏngesegele ge geuen wol / beuestent Na goddes bort Dusent iar Dryͤhundert iar in deme tweigvndsestigesten Iare / an sente Mathẏes auende des hilgen apostels , vnd eẏn ẏowelk sẏner Nauolger(e) /