WJe . . Ratman(n)e vnd . . Meẏstere der Jnnu(n)gen tuͦ Halle beken(n)en openliken in dissem brieue , Dat wie dẏe erbern luͤde dẏe schepen tuͦ Magd(eborch) vm(m)e recht gevraget hebben / des sẏe vns berichtet hebben vnd oͤre opene brieue mẏd oreme angehangene ẏngesegele dar ouer gegeuen in dissen worden . WJe schepen der stat tuͦ Magd(eborch) beke(n)=/nen openliken in dissem brieue vor alle den dẏe oͤn seen oder hoͤren lesen , Dat dẏe vorsichtigen cluͦken man(n)e . . Ratman(n)e vnd . . gulde mestere der stat tuͦ Halle vns / hebben gevraget laten vm(m)e recht na dissen worden . Tuͦ deme ersten . Af eẏneme man(n)e vor gerichte geboden were ¹ vnd he doch nicht beclaget woͤrde , aft dẏe scultiete icht / rechtes dar an hebbe . Hir vp spreke wie schepen tuͦ Magd(eborch) eẏn recht . Beschiedet vnd vorbodet dẏe scultiete , oder sin vronebode . . kleger vnd . . antworder(er) vor gerichte / recht tuͦ duͦne vnd tuͦ nemene , welker dar nicht enkumpt , vnd siek nicht bewyset noch vorbuͤdet , vppe den wint dẏe scultiete sin wedde , ẏd en beneme oͤme echte / not , dẏe he bewẏse alz recht is von rechtes weghen . Echt vrageden sẏe vns . Aft eẏn man worde tuͦ dren dingen beclaget , wat dẏe scultiete rechtes dar anhebbe / Hir vp spreke wie . . Schepen tuͦ Magd(eborch) eẏn recht . Wu dicke eẏnem man(n)e vor gerichte tuͦ komene geboden oder beschieden w[e]rt von gerichtes haluen , vnd he dar nicht en=/kumpt alzo dicke wint dẏe scultiete vpp oͤn sin wedde , ẏd enbeneme oͤme echt not , dẏe he bewẏse alz recht is von rechtes weghen . Echt vrageden sẏe vns . Woͤrde / eẏn Mezser oder swert getoghen , deme dẏe scultiete nicht tuͦ mate queme , aft he icht rechtes dar an hebbe . Hir vp spreke wie schepen tuͦ Magd(eborch) eẏn recht . Geto=/ghene swert vnd Mezser dar schade mede gedan wert , dẏe sint des scultieten , vnd ne kumpt he nicht tuͦ mate , doch mach he dẏe wol eẏsschen vnd voͤrderen von / rechtes weghen . Echt vrageden sẏe vns . Woͤrde eẏn man vorvestet , vnd berichtede he siek mẏd deme sakewaldigen , wat rechtes dẏe scultiete dar an hebbe . Hir vp / spreke wie schepen tuͦ Magd(eborch) eẏn recht . Berichtet siek eẏn vorvestet man mẏd deme sakewaldigen , dar heft dẏe scultiete nicht mer an wen sin wedde von rechtes / wert [...] ² Woͤrde eẏn man beclaget [...] vnd worde he deme klegere recht . aft dẏe scultiete an oͤn beẏden , oder an oͤrer eẏneme icht / rechtes hebbe . Hir vp spreke wie schepen tu Magd(eborch) [...] mẏd rechte ane vnrechte wedirsprake / so heft dẏe scultiete an oͤrer neẏneme nicht von rechtes weghen . Echt vrageden sẏe vns . Aft eẏn man den andern vm(m)e sake dẏe dat [...] / borgede vor gerichte , vnd vormochte den man nicht wedir intuͦstellene , wes he deme scultieten darvm(m)e sij vor [...] oder nicht . Hir vp spreke wie schepen tuͦ Magd(eborch) / eẏn recht . Borget eẏn man den andern vor gerichte vm(m)e geld , oder sake dẏe dat leuent rorde . Mach he sin nicht [...]een dat he oͤn instelle , so heft dẏe scultiete / sin wedde an dem Borgen vnd mer nicht ³ , ẏd en sij , dat he bẏ grotere vare gelouet oder gewillekoret hebbe . Were auer dat eẏn [...] vd der vestunge theen welde , vnd sette Boͤrgen / vul tuͦ stande vnd vulstuͤnde nicht . tuͦ rechter antwerde , so wuͤnne dẏe scultieten eẏn wergeld vp dẏe Borgen von rechtes weghen , Echt vrageden sẏe vns . Aft / eẏn man den andern mẏd des scultieten Boden hinderde , vnd dẏe hinderde man siek mẏd oͤme berichtede er he in den stok gevuͦrt woͤrde . Aft dẏe scultiete icht / rechtes dar an hebbe . Hir vp spreke wie schepen tuͦ Magd(eborch) eẏn recht . Hindert dẏe scultiete , oder sin vronebode dẏe tuͦ deme richte gesworen heft , yͤmande von / gerichtes haluen , vnd berichtet he siek er den he in den stok kumpt , dar heft dẏe scultiete nicht an von rechtes weghen . Echt vrageden sye vns . Aft eẏn man / den andern hinderde mẏd des scultieten Boden , vnd oͤn in den stok voͤrde , vnd were dat siek dẏe mẏd oͤme berichtede er he vor deme gerichte beclaget woͤrde / wat rechtes dẏe scultiete dar an hebbe . Hir vp spreke wie schepen tuͦ Magd(eborch) eẏn recht . Hindert eẏn den andern mẏd deme scultieten , oder mẏd sẏnem vronenboden / vnd vuͦrt oͤn in den stok , vnd berichtede he ⁴ siek mẏd deme klegere er he vor gerichte⁵ beclaget werd , dar heft dẏe scultiete nicht an . Echt vrageden sẏe vns . Aft eẏn man den anderen / wundede , oder irsloghe , vnd woͤrde mẏd hanthaftiger dat in den stok gevuͦrt , vnd berichtede siek mẏd deme gewundeden , oder des irslaghenen vruͤnden er he beclaget / woͤrde , wat rechtes dẏe scultiete dar an hebbe , Vnd aft dẏe scultiete icht ⁶ sẏnen willen scole dar tuͦ gheuen , aft siek dẏe luͤde mẏd ghuͤ(n)sten berichten willen . Hir vp spreke wie / schepen tuͦ Magd(eborch) eyn recht Wundet oder irsleẏt eẏn den andern vnd wert , gevangen in hanthaftiger dat mẏd gerichte , vnd in den stok gevuͦrt , kuͤnnen vnd willen dẏe klegere / vnd dẏe vppe den dẏe klage gheẏt , siek vorghuͤnsten vnd vorlẏken so voͤghet vnd themet deme scultieten wol dat he sẏnen willen vnd vulbort dar tuͦ gheue , wil auer / he sẏnen willen nicht dar tuͦ gheuen , vnd berichten sẏe siek ane des scultieten willen , so heft dẏe scultiete nicht mer dar an wen sin wedde , dat wint he an deme klegere / vm(m)e dat he sẏne clage nicht vulvoͤrdert . Wert auer eẏn man ane gerichte in des scultieten stok gevuͦrt , vnd berichtet he siek mẏd deme klegere er he beclaget / wert , so heft dẏe scultiete dar nicht an . Vortmer were , dat yͤmand mẏd solfrechte vnd mẏd gewalt den andern in eẏnen stok sette ane des scultieten wytschap / vnd ane sin , oder sẏnes vroneboden orlof . Berichteden siek dẏe , so hedde dẏe scultiete sin wedde an deme dẏe dẏe walt vnd solfrechte dan hedde , Echt vrageden sẏe vns / Aft dẏe [...] were eẏnen man tuͦ klage dwingen moͤghe , Hir vp spreke wie schepen tuͦ Magd(eborch) eẏn recht , Dẏe scultiete mach nẏe=/mande tuͦ klage dwingen vme neẏnerleẏe sake der he tuͦ klagene nicht beghunt enheft tuͦ gerichte von rechter [...] Echt vrageden sẏe vns ⁷ vm(m)e eẏn⁸ recht .Aft eẏn Leẏe / den andern vor gheẏstlik gerichte moghe laden laten . Hir vp spreke wie schepen tuͦ Magd(eborch) eẏn recht . Vm(m)e sake dẏe wertlike Richter richten mach vnd wil , dar scal / neẏn Leẏe den andern vm(m)e laden laten vor gheẏstlik gerichte , Deẏt he ẏd dar bouen , he scal deme Leẏen Rẏchte(re) wedden dar vm(m)e , vnd ẏeneme sẏne Buͦte gheue(n) / vnd vd alleme schaden bringen , dar he oͤn vor gheẏstlikeme gerichte ingebracht heft , vnd scal oͤn vor deme geẏstliken richte entledigen , vnd siek an leẏen=/rechte genoghen laten von rechtes weghen . Echt vrageden sẏe vns . Aft eẏn man . glas . stienkroͤze . scottelen . molden . Besinen . scuͤffelen . oder des gelẏk vp den / markt broͤchte vnd hedde deme Greuen sẏnen Toln gegeuen . aft he dar na deme scultieten oder deme vronenboden des geredes icht gheuen scoͤle , oder oͤme ich=/tes plichtich sij dar vm(m)e tuͦ duͦne . Hir vp spreke wie schepen tuͦ Magd(eborch) eẏn recht . Dat scal men halden na alder guͦder wonheẏt , wu dẏe scultiete , oder / sẏn vrone(n)bode dat in weren hebben vnd nomen hebben , alzo scolen sẏe dat nemen vnd andirs nicht von rechtes weghen . Echt hebb(e)n sẏe vns gevraget / vm(m)e eẏn recht . Wu grot vnd wu wẏt dat geloͤufte vm(m)e den Moͤlenstien scole sin . Hir vp spreke wie schepen tuͦ Magd(eborch) eẏn recht , Dat geloͤufte vm(m)e den / Moͤlenstien scal sin so grot vnd wẏt alze deme stiene bequemelik is tuͦ sẏme lope vnd den luͤden nuͤtelik is tuͦ malende vnd wat meles von deme korne / wert , dat men dar vp ghuͤt , dat is des , des dat korn is , ẏd lope vd der Moͤlen , oder blẏue in deme loufer , oder vnder deme stiene , oder wor ẏd sij . vnd / dẏe Muͦlner scal nicht mer dar af hebb(e)n noch neme(n) wen sẏne rechten matten , oder geld , oder wat dar vp gesat is von rechtes weghen . Echt hebben sẏe / vns gevraget . Aft man eẏnen besetenen Borgere dẏe Erue in der stat heft vnd nicheẏn Eẏghen mẏd des scultieten Boden vphalden moghe . Hir vp spreke / wie schepen tuͦ Magd(eborch) eẏn recht . Dẏe scultiete oder sin vronebode dẏe tuͦ deme gerichte gesworn heft , mach ẏowelken man wol vphalden , aft he siek mẏd / rechte nicht entreden mach . Heft he auer Eẏghen in deme gerichte dat so guͦt is alze des klegers scuͤlde , oder mach he vnd wil Borgen setten dar deme klege(re) / an genoghe , oder dẏe so vele Eẏghens hebben alze der sculde is , so scal dẏe scultiete oder sin vronebode oͤm tuͦ dinge beschieden , vnd dar bouen nicht besweren / von rechtes weghen . Echt vrageden sẏe vns . Aft eẏn man vorvestet worde vnd begherde vor gerichte tuͦ komene siek tuͦ vor antw(or)dene . aft oͤn dẏe scultiete / vp welke tẏd he des von oͤme beghert , ane ghaue scole voreleẏden , vnd worde he den(n)e recht , wes he deme scultieten plichtich sij . Hir vp spreke wie schepen / tuͦ Magd(eborch) eẏn recht . Wil siek eẏn vorvestet man vor antw(or)den vnd vd der vestunge theen , den scal dẏe scultiete vore veligen vnd geleẏden von gerichtes / haluen ane ghaue vppe welke tẏd he des von oͤme beghert , vnd scal oͤme staden , dat he siek vdthee alze recht is , vnd scal siek Boͤrgen setten laten vnd vor=/wissenen , dat he sta tuͦ rechter antw(or)de tuͦ dren dingen , vnd scal ẏd deme klegere kuͤndigen , dat he kome vnd sin antw(or)de neme , vnd wert he den(n)e recht / so is he deme scultieten nichtens [ ...] plichtich den sẏnes weddes von rechtes weghen . Echt hebb(e)n sẏe vns gevraget . Aft eẏn man vngerichte an duͤue oder / roue duͦn welde in des andern huse nachtes oder dages , vnd dẏe wert queme vp , vnd stuͤrede deme vreuelere vnd sloge , oder wundede den vredebreker vnd / dẏe vredebreker entqueme oͤme vnd clagede vor gerichte vm(m)e dẏe wunden . aft siek dẏe wert der clage [icht] entreden moghe , oder wat he darvm(m)e lẏde(n) / scole . Hir vp spreke wie schepen tuͦ Magd(eborch) eẏn recht . Wundet eẏn man eẏnen vredebreker in sẏme huse oder dar buten , oder wor dat is nachtes oder / dages , vnd beschryet he oͤn mẏd sime geruchte , vnd mach he dat tuͤghen self seuede , dat he oͤn in der dat oder in der vlucht der dat , dar he vrede / an oͤm brak , oder breken wolde , [...] wundet heft , so blẏft he des ane schaden . Mach he auer des so nicht getuͤgen , so muͦt he antworden vm(m)e dẏe wunden alz / recht is von rechtes weghen . Vnd dat alle disse vorbeschreuene ordel recht sin na Magdeburg(er) rechte des tuͤghe wie schepen der selue(n) stat mẏd vns(en) / angehangeden ẏngesegele an dissen brieue , Den wie dar ouer geuen hebben na vnses herre(n) (Christi) gebuͦrt Dritteẏnhundert iar in deme vierevnd=/sestigesten des neẏsten mandages na Twoͤlften . Vortmer beken(n)e wie vorgn(an)ten . . Ratman(n)e vnd Jnnu(n)gen . . Meẏstere tuͦ Halle , Dat wie des / bevrẏet ⁹ vnd behantvestent sẏn , dat men deme scultieten vor sin gewedde , Drẏe schillinge , vnd deme Voghede der stat vor stokmede / twene pen(n)inge , scal geuen vnd nicht mer , Ouk geboͤrt deme selue(n) Voghede von der Wedewen dẏe eẏnen man nẏmpt , nicht mer wen eẏn / schilling , Bẏ allen dissen vorgeschreuenen stuͤkken wille wie blẏuen vnd vnse Burge(re) gemeẏne dẏe armen vnd dẏe Rẏken dar bẏ behalden /

Des tuͦ eẏneme wetliken orkuͦnde hebbe wie vnser stat ẏngesegel an dissen brief gehenget laten in den vorgeschreuenen Jaren goddes an / vnser vruwen Auende Lichtmẏssen