Vnse herre(n) dy schepen . hebben . enrichtet . Thile pitzke(re) / vnd(e) hanse von deme dore vm(m)e eyne gothe . dar sie / twidracht vm(m)e hadden beidentsiden in alsodaner wis / dat dy gothe . schal sin in Thilen pitzkeres houe eyne / elle wit . vnd(e) eyn elle diep . vnde dar schal dorch ghan / water . vnde wat dat water begripen mach , vn(de) / dat gath . an hanses houe von deme dore dat schal / tuͦ allen tiden open sten . vnd(e) nicheyn puͦl . noch vn/reynecheit schal man dar dorch schuͦfelen noch kruͦck[...] /

Grete . aben beckeres husvruͦwen suͦster quam in / geheget dingh vnde vortech siek alle des . uͦp aben / Beckere . dat syͤ an irstoruen was von mechtilde / orer suͦstere vnde alle dat abe beckere keyn or / duͦn schal . dat schal an ome seluen stan it wiere / an rade . an varnder haue . vnd(e) wat syͤ an sterue(n) [mach] /

Gherdrud . Ditzen vruͦndes husvruͦwe quam in / geheget dingh . vnde kos . Ditzen oren fruͦnt ¹ werde / tuͦ orme vormuͦnden in alle oren saken /

Kuͦntze werlitz quam in geheget dingh vnd(e) be/gauede . Ghesen siner huͦsvruͦwen dat eyghen half / hinder den zastorpen . dat iteswanne koppen ge/smedes was myͤt alle deme rechte alset sin was / vnde . dar tuͦ wat hie nuͦ het vn(de) vm(m)er mer wi[nt] / seluen wil hie is waldich . sin dy wile dat hie leu[et] / winnet syͤ kindere so schal sie kindere diel neme(n) / winnen sie nicheyne kindere so schal dyͤ vorbeno/mede Ghese kuͦntzen husvruͦwe na sime dode / myͤt deme guͦde duͦn vn(de) ² laten wat syͤ wil /

Ghese kuͦntzen werlitzes husvruͦwe quam in / geheget dingh . vnd(e) begauede kuͦntzen werli[tze] / orme werde . alle dat sie nuͦ het vn(de) vm(m)er mer / gewint . an gerade vn(de) an varnder haue . vn(de) / wat sie vor gehegedeme dinghe vor gheue(n) moch[te] //