Na Goddes gebort . Dretteynhundert iar . in deme / vifvndesestigesten iare . jn sente symo(nis) vnd juͦden auende / Quam Ghese(ke) Heysen pitzker(es) vruͦwe vor geheget / ding vnd vragede vmme eyn ordel , af Hans oͤre / sone , die gaue mit rechte wedderspreken moͤchte / die syͤ oͤren dochteren in deme Clostere tuͦ sente / Juͦrgen geuen hadde , Do wart gevuͦnden , sint dem / male . dat die ¹ gaue gheue(n) were mit wetenschap , des / Richter(es) vn(de) mit sinem willen so mach Hans oͤre sone / die gaue nicht wedderspreken von rechtes weghen /

Hinrik Duͦveler quam in geheget ding . vn(de) be/gauede . Hanseken sines sones ² sone ses smale schot gros(chen) / vt sime besten gude na sime dode /

Clawes harduͦng quam in geheget ding . vnd be/gauede Grieten siner husvruͦwen alle dat hie nuͦ / het vnd vmmer mer gewinnet selue(n) wil he des / waldich sin die wile dat he leuet , hebben sie kind[er] / so schal die vruͦwe kinder(e) diel nemen . /

Thile smet hadde besat . eyn ghantz smede thoͤwe / vnder weghenen pawele . vor twenevndetwintich / gross(chen) vnde eyn schot briedes geldes vnd vor eyn[vnde]/voftich gross(chen) smales geldes vnd het dat vͦp geb[...] / druͦ ding als recht is tuͦ deme vierden dinge [wart] / oͤme gevuͦnden dat man oͤn des gewaldigen scoͤlde / is dat smede thoͤwe betere so schal Thile smet [dat] / wedder gheue(n) is dat ergher(e) so schal siek Thile / smet sines schaden ir holen an deme sakewalde[re] / oder an deme sinen wuͦr hie dat het /

Hinrik kuͦrtevruͦnt quam in geheget ding vnde / begauede Beni(n)gnen siner husvruͦwen alle dat / he nuͦ het vmmer mer gewint seluen wil hie / des waldich sin die wile dat hie leuet , /

Beni(n)gne hinrik kuͦrtevruͦndes huͦsvruͦwe / quam in geheget ding vnd begauede hinrik // orme werde alle dat syͤ nuͦ het vnd vmmer mer / gewint /

Herman kaltzendorp . quam in geheget / ding vnd begauede Gerdrude siner husvruͦwen / kinder diel an alle sime guͦde wuͦr hie dat het /