Ek werner van osb(er)nshusen vn(de) vrederik seghebandes soͤne vn(de) ek segheband Gheuerdes / sone van osb(er)nshusen bekennet openbare in disseme jeghenw(er)deghen breue dat we hebbet / verkoft wernere vnde woltere van osb(er)nshusen vn(de) eren eruen allet dat vs an vallen / mochte van Johanne van osb(er)nshusen vsem vedderen vn(de) dar tho en bremerlot gheldes / tho vmberghe vn(de) sesse vn(de) twintich pennighe gheldes in der vischerighe tho osb(er)nshusen / dat vse besunder was vor verteẏn lodighe mark vn(de) willet one des rechte werende / wesen wur des oͤne nod is . dit is ok ghe schen mit willen vn(de) mit wulbord her / Johanes vn(de) her Wolters van osb(er)nshusen . Tho erner betuͦghinghe disser dingh so / hebbe we vse Jngheseghele tho disseme breue ghe hengt laten Na Godes bord drut=/teynhundert iar in deme viue vn(de) sesteghesten iare des mandaghes i(n) dem pinkesten /