Anno d(o)m(ini) mº cccº lxvj . /

vormvnde Grashoues kindes /

Heyse von deme Dore , quam in geheget dingh vnd(e) / clagede vp der pruͦve(re)n eygen , dru dingh , tuͦ deme / vierden dinghe wart dat eigen vronet vor nege/de half schot grossen vnd(e) achte croschen smales geldes /

Herman der Ammen Hans der Ammen sone quam / in geheget ding . vnd begauede Bussen der amme(n) / sime vedderen . sin diel an sime houe mit alle deme / rechte alse hie an irstoruen was von sime vadde(re) /

Dar na quam ok dyͤ seluen Herman der amme(n) / vor geheget ding . vnd det eyne vortyͤcht . der / gaue . dy busse sin veddere ome gheuen hadde . vn(de) / als sie siek beidentsiden vnder eyn ander begauet hadd(e)n /

Na Goddes gebort . Dusent iar druͦhundert iar / in deme sesvndesestigesten iare . Quam kather(inen) / Oltzes pozzes dochter in geheget ding . vnd(e) be/gauede hanse von deme dore orme werde . den / hof dyͤ oͤres vader was . vnd den hof dyͤ an Tho/ben langen houe lyͤt . die ok Oltzen pozzes was / vnd dar tuͦ alle dat . eigen erue vnd(e) varnd(e) / haue . dat syͤ an irstorue(n) was von orme vader(e) / vn(de) alle dat ore gerade . Dysse vorbeschre/uene gaue is geschin vn(de) begauet rechte vn(de) / redelicken mit Eruelove gewillen /