Anno d(o)m(ini) mº cccº . lxvij in vigilia Su(nte) Gregorij Quam / Hans hedersleue in geheget ding vnd begauede / heydeken sime sone alle dat hie het vnd(e) vmmer / gewint . an eygene an Erue . vnd(e) an varnder haue / vnd wuͦr hie dat het seluen wil he des waldich sin / tuͦ duͦnde vnd(e) tuͦ latene , dyͤ wile dat he leuet /

Clawes korf quam in geheget ding . vnd det vortiecht . / der vormvndschap sines bruͦders sint dem male / dat he der nicht vorboͤrgen kvnde . /

Clawes korf quam in geheget ding vnd begauede / hinrike blancken vnd hanse syme bruͦdere sinen / haluen hof tuͦ eyne pande vor vierdehaluen panne(n) / in deme dutzschen borne . vnd(e) vor eyn vierdel in / deme guͦtiare . vor als vele geldes als vd dissen / vorbeschreuene(n) panne(n) lopen mach diͤt iar vnde / vor iij schot smales geldes /