Anno d(o)m(ini) mº . cccº . lxvijº . /

Mechtild . . clawes suͦchtken husvruͦwe is kome(n) in ge/heget . ding . vnd het weddersproken . dyͤ . gaue , die hech/teres kindere . gheuen hadden . Pruͦtzen . vnd Themen / sime bruͦder(e) /

Busse Rosenvelt . quam in geheget dingh . vnd schuͦlde / geden ¹ Hanse kvntzen doͤringes sone . dat kvntze sin / vader oͤme hadde vorkoft . sin erue . dar he nv vm(m)e / angededinget wirt . do bekante hans doͤring . dat / hie wolde duͦn weringe . siner antal des Erues . do / wart oͤme geboden von gerichtes wegene . dat hie / dat duͦn scolde byͤ vierteynachten . / ²

Pieder wiete quam in geheget dingh vnd vragede / vmme eyn ordel . sint deme male . dat hie hedde ge/boden hern Hince Troste vor geheget ding vm(m)e / benvͦmede schuͦlde vier hundert mark min(ner) oder / mer , vnd wart geleidet von deme Rade , dat tuͦ / vorantwordene , vn(de) stvnt dar tuͦ iegenwarde vn(de) / vorantworde siek nicht vnd bot siek ok nicht vͦp / Do vragede wiete af hie die vorbenuͦmeden schulde / vp on icht gewuͦnne(n) hedde . Do wart oͤme gevuͦnde(n) / hedde wiete hern Troste tuͦ deme dinge gebode(n) / vm(m)e benuͦmede schulde , vn(de) hedde des her Trost / siek nicht vorantwordet vnd(e) siek nicht vͦp gebode(n) / so hedde pieder wiete sine schuͦlde vͦp hern Troste / gewuͦnnen mit rechte . /

Heydenrik ketheler quam in geheget ding vnd(e) / beschuldigede Hanse von deme Dore . synen / swager dat . hie on hinderde an syme houe . des / quam hans von deme dor vor vnd sprak hie / wolde oͤn nicht an syme hove hinderen vnd(e) / were ok dar nicheyn Erue tuͦ . /